१४ मंसिर २०८२, शनिबार
29-11-2025 , Sat
Gold Silver Price (12 Mansir 2082, FRI)
Fine Gold 1 Tola NRs. 251100
Silver 1 Tola Nrs. 3360

देशकै विश्वशनिय ओलि एण्ड एशाेसियट कण्सल्टेन्सीकाे विराटनगर शाखा उद्घाटन

Logo
जनचर्चा संवाददाता प्रकाशित बुधबार, साउन २९, २०८२

विराटनगर, भाद्र २८ – देशको  पुरानो र भरपर्दो शैक्षिक परामर्शदाता संस्था ओली एण्ड एसाेसियट्सले मंगलबार विराटनगरमा आफ्नो ११औं शाखाको उद्घाटन गरेको छ। उद्घाटनकै अवसरमा विदेश पढ्न जान चाहने विद्यार्थीहरूको लागि ग्लोबल एक्स्पोको पनि आयोजना गरिएको थियो। संसारीमाई स्थान नजिक रहेको कन्सल्टेन्सी भवनमा आयोजित कार्यक्रममा विदेश अध्ययनमा रुचि राख्ने ५०० भन्दा बढी विद्यार्थीहरूले सहभागिता जनाएका थिए। एक्स्पोमा अष्ट्रेलिया, क्यानडा, बेलायत, न्यूजिल्यान्ड र युरोपका विभिन्न देशहरूका शिक्षण संस्थाहरूको प्रत्यक्ष जानकारी प्रदान गरिएको थियो र विद्यार्थीहरूले विदेशी अध्ययनसम्बन्धी काउन्सिलिङ क्लासमा पनि भाग लिएका थिए।

२००२ सालमा स्थापना भएको ओली एण्ड एसाेसियट्स नेपालको पहिलो विदेशी शिक्षा परामर्शदाता संस्था हो। दुई दशकभन्दा बढी अनुभवका साथ यो संस्थाले विदेशी शिक्षाको क्षेत्रमा अग्रणी भूमिका खेलेको छ। स्थापनादेखि नै संस्थाले हजारौं विद्यार्थीहरूलाई सेवा प्रदान गरेको छ। हाल संस्थाका नेपालभित्र काठमाडौं, बीरतामोड, पोखरा, पाटन, इटहरी, बुटवल, चितवन, दमक, बागलुङ, महेन्द्रनगर शाखाहरू सञ्चालनमा छन् भने विदेशमा भुटानको थिम्पू, अष्ट्रेलियाको सिड्नी र मेलबर्नमा समेत शाखाहरू स्थापना गरेको छ। यो संस्था पाँच देशका १७३ भन्दा बढी शिक्षण संस्थाहरूसँग साझेदारीमा छ। विराटनगर शाखाका म्यानेजर रजन शाहीले भने, “अब विराटनगर आसपासका विद्यार्थीहरूले भिसाका काम बाहेक अन्य कुनै पनि प्रक्रिया पूरा गर्न काठमाडौं जानुपर्ने छैन।” संस्थाले कलेजमा भर्ना गराउनेदेखि भिसा र उडान गराउनेसम्मका सबै काम गर्ने उनले बताए।

मनोज तिवारी, निश्चल चौधरी एवम रन्जन कुमार शाहीले स‌ंयुक्तरुपमा विराटनगरमा  ‍ओलीकाे शाखा सन्चालनमा ल्याएका हुन्। नयाँ शाखामा IELTS र PTE तयारी कक्षाहरू पनि सञ्चालनमा ल्याइएको छ। उद्घाटनको अवसरमा केही समयका लागि ५०% छुटमा भर्ना लिइरहेको संस्थाले जनाएको छ। संस्थामा ३० भन्दा बढी QEAC प्रमाणित काउन्सिलरहरूको टोली कार्यरत छ जसले विद्यार्थीहरूलाई सम्पूर्ण मार्गदर्शन र सहयोग प्रदान गर्दछ। ओली एण्ड एसाेसियट्सले अष्ट्रेलिया, संयुक्त राज्य अमेरिका, न्यूजिल्यान्ड, बेलायत र क्यानडामा अध्ययन गर्न चाहने विद्यार्थीहरूका लागि सेवा प्रदान गर्दछ र विभिन्न विषयहरूमा मार्गदर्शन गर्दछ। विराटनगर शाखाको उद्घाटनसँगै पूर्वी नेपालका विद्यार्थीहरूलाई विदेशी शिक्षाको सुविधा प्राप्त गर्न सहज हुने अपेक्षा गरिएको छ।

कमेन्ट गर्नुहोस्
सम्बन्धित

काठमाडौँ११ मंसिर। ‘सामाजिक सुरक्षाः सर्वव्यापी स्वस्थ्य सेवाको पहुँच, पेन्सनयोग्य समाज र उत्पादकत्व अभिवृद्धिसहित नागरिक जीवनको रक्षा’ भन्ने नाराका साथ आज आठौँ सामाजिक सुरक्षा दिवस मनाइँदै छ । ‘असल श्रम सम्बन्धको आधार सामाजिक सुरक्षा र रोजगार’लाई मूल मन्त्र मानेर आठ वर्षअघि योगदानमा आधारित सामाजिक सुरक्षा कार्यक्रमको घोषणा गरिएको दिनको सम्झनामा आज दिवस मनाउन लागिएको हो । प्रधानमन्त्री […]

काठमाडौं , १० मंसिर/ नेकपा एमालेको ११ औं महाधिवेशनको प्रतिनिधि छनौटको काम अगाडि बढेको छ। मंसिर २७–२९ गते काठमाडौंमा हुने पार्टीको ११ औँ राष्ट्रिय महाधिवेशनका लागि प्रतिनिधिहरू छनोट गर्न अधिकांश जिल्लाले निर्वाचन कार्यतालिका सार्वजनिक गरेका छन् । एमालेको महाधिवेशनमा झण्डै २२ सय प्रतिनिधि सहभागी हुँदैछन् ।एमालेले पार्टी सदस्यको संख्याअनुसार ‘क्लस्टर’ छुट्याएर प्रतिनिधि चयनको मापदण्ड बनाइएको छ। […]

विराटनगर, मंसिर ५ ।  चिकित्सा शिक्षा आयोगले लिएको एमबीबीएस प्रवेश परीक्षामा उत्कृष्ट नतिजाका साथ नाम निकाल्न सफल भएका आफ्ना विद्यार्थीहरूलाई विराटनगरको कान्तिपुर कलेजले सम्मान गरेको छ। विराटनगर महानगरपालिका–१० मा अवस्थित कलेजले शुक्रबार एक विशेष कार्यक्रम आयाेजना गरी एमबीबीएस प्रवेश परीक्षामा नाम निकाल्न सफल तीन विद्यार्थी सहित वार्षिक परीक्षामा उत्कृष्ट अंक ल्याउने ४३ विद्यार्थीहरूलाई सम्मान गरेको […]