काठमाडौं , भदाै १६ – हलिडे इन रिसोर्ट काठमाडौं, बुढानीलकण्ठमा व्यापार र व्यक्तिगत जीवनमा नयाँ उचाइ हासिल गर्न चाहने व्यक्तिहरूका लागि एक विशेष अवसरको घोषणा गरिएको छ। यहाँ सेप्टेम्बर १०-११ तारिखमा २ दिने आवासीय व्यापारिक तथा जीवन सफलता बुटक्याम्प आयोजना हुन लागेको छ। कुल ३० जनाले यस विशेष कार्यक्रममा सहभागीता जनाउन पाउँनेछन् ।
कार्यक्रमका मुख्य विशेषताहरू
यस बुटक्याम्पले सहभागीहरूलाई व्यक्तिगत र व्यापारिक सफलता प्राप्त गर्नका लागि आवश्यक सीप र रणनीतिहरू प्रदान गर्नेछ। विभिन्न क्षेत्रका विशेषज्ञहरूको निर्देशनमा महत्वपूर्ण विषयहरूमा गहन प्रशिक्षण दिइनेछ।
कार्यक्रमका मुख्य विषयवस्तुहरूमा बिक्री वृद्धि रणनीतिहरू (व्यापारको वृद्धि र बढ्दो बिक्रीको रणनीतिहरू), व्यक्तिगत तथा व्यापारिक ब्रान्ड निर्माण, लक्ष्य निर्धारण र सफलता प्राप्तिको सूत्र, र सकारात्मक सोच र आकर्षणको नियमको प्रयोग समावेश छन्। यो विशेष प्रशिक्षण काठमाडौंको बुढानीलकण्ठमा अवस्थित पाँच तारे लक्जरी रिसोर्ट हलिडे इन रिसोर्ट काठमाडौंमा आयोजना हुनेछ। दुई दिने आवासीय कार्यक्रम भएकाले सहभागीहरूलाई उच्च स्तरीय सुविधासहित आरामदायक वातावरणमा सिक्ने मौका मिल्नेछ।
आयोजकहरूले यस कार्यक्रमलाई केवल खर्चको रूपमा नहेरी दीर्घकालीन लगानीको रूपमा हेर्न आग्रह गरेका छन्। आयाेजकका अनुसार यो अनमोल अवसरमा सहभागी हुनेहरूका लागि निस्सन्देह सुनौलो अवसर साबित हुनेछ। व्यापार र व्यक्तिगत विकासमा रुचि राख्ने व्यक्तिहरूलाई यस अवसरको सदुपयोग गर्न सुझाव दिइएको छ।
