काठमाडौँ – सरकारले अचानक सामाजिक सञ्जालमाथि लगाएको प्रतिबन्धपछि युवा पुस्ता, विशेषगरी Gen Z (१९९७–२०१२ मा जन्मिएका) ले सेप्टेम्बर ८ का दिन देशव्यापी आन्दोलन गर्ने घोषणा गरेका छन्। यस अन्दाेलनमा युवा तथा आमजनतालाई सहभागी बन्न टिकटकमार्फत आह्ववान गरिएकाे छ । टिकटक मार्फत गाेलबद्ध बनी स्वतस्फुतरुप युवाहरुले यस्ता सन्देश फैलाईरहेका छन् र आफ्नाे ठाँउमा अन्दाेलन गर्न अह्वान गरेका छन्।
आन्दोलनका प्रमुख नारा भ्रष्टाचारविरुद्ध लडाइँ, ‘नेपो बेबी’ नेताका परिवारको विलासी जीवनशैलीमाथि प्रश्न, र डिजिटल स्वतन्त्रताको पुनर्स्थापना मा केन्द्रित छन्।
सामाजिक सञ्जाल बन्द र असन्तोष
सूचना प्रविधि मन्त्रालयको निर्देशनमा सेप्टेम्बर ४ देखि सामाजिक सञ्जाल ब्लक भएपछि हजारौँ युवा व्यवसाय, पढाइ र संवादमै असर परेको भन्दै आक्रोशित छन्।
सरकारले कम्पनीहरूले नेपालमा स्थानीय कार्यालय नखोलेको र कानूनी प्रक्रिया पूरा नगरेको दाबी गरेको छ। तर युवाले यसलाई “डिजिटल दमन” र “अभिव्यक्ति नियन्त्रण” को नाम दिएका छन्। प्रतिबन्धित प्लेटफर्महरू बन्द हुँदा TikTok, Viber र केही अन्य खुला रहेका छन्। अहिले आन्दोलनका अधिकांश सन्देश र नाराहरू TikTok र इन्स्टाग्राम रिलमार्फत नै फैलिरहेका छन्।
युवाहरूले ह्यासट्याग #GenZProtestNepal, #DigitalFreedom, #NepoBabyPolitics चलाइरहेका छन्। सेप्टेम्बर ८ बाट संसद भवन अगाडि प्रदर्शन गर्ने आह्वान पनि TikTok लाइभ र Facebook ग्रुपमार्फत व्यापक भइरहेको छ। याे अन्दाेलन स्वतस्फुर्त भएकाले कहिलेसम्म चल्ने अनिश्चित जस्ताे हुने देखिएकाे छ ।
नेताको परिवारको जीवनशैलीमाथि प्रश्न
Gen Z ले आन्दोलनलाई सामाजिक सञ्जाल बन्दसम्म सीमित राखेका छैनन्। उनीहरूले भ्रष्टाचार र असमानता विरुद्ध आवाज उठाउँदै नेताका परिवारको ‘नेपो बेबी’ संस्कृति र ऐशोआराममाथि प्रश्न उठाएका छन्।
TikTok मा भाइरल भएका भिडियोहरूमा नेताका छोराछोरीको महँगो कार, विदेशमा पढाइ र विलासी जीवनशैली देखाइएका छन् र त्यही सामग्रीलाई आन्दोलनको ऊर्जा बनाइएको छ।
