काठमाडौं,४ मंसिर । जेनजी आन्दोलनपछि फागुन २१ गतेका लागि तोकिएको चुनावी प्रयोजनका लागि निर्वाचन आयोगमा ३६ वटा दल दर्ता हुने भएका छन्।
आयोगले कात्तिक मसान्तसम्मको अवधि दिएर दल दर्ताका लागि समय दिएको थियो।
दर्ता अवधिमा आयोगमा ३६ वटा दलले दर्ताका लागि निवेदन दिएका छन्। जसमा सातवटा दर्ता भएर प्रमाणपत्र प्राप्त गरेका छन् भने २९ वटा दलले दर्ताका लागि निवेदन दिएका छन्।
आयोगका प्रवक्ता नारायणप्रसाद भट्टराईका अनुसार २९ वटा दलले ढिलो गरी आवेदन दिएकाले उनीहरुको पेश गरेको कागजातको अध्ययन भइरहेको छ।
हालसम्म आयोगले श्रम संस्कृति पार्टी, गतिशिल लोकतान्त्रिक पार्टी, नागरिक उन्मुक्ति पार्टी नेपाल, राष्ट्रिय परिवर्तन पार्टी, राष्ट्रिय जनमत पार्टी, कम्युनिष्ट पार्टी नेपाल, राष्ट्रि निर्माण पार्टी दर्ता भएका छन्।
आयोगका अनुसार कात्तिक २ गतेसम्म १२४ वटा दल दर्ता भएका थिए। जसमा माओवादी केन्द्र, एकीकृत समाजवादीसहितका पाँचवटा दल एकीकृत भएर नेपाली कम्युनिष्ट पार्टी दर्ता भएको छ।
