विराटनगर,१७ पुस । हरेक वर्ष पुस १७ गते मनाइँदै आएको राष्ट्रिय पोशाक दिवस आज नेपालसहित विश्वभर रहेका नेपालीहरूले विभिन्न कार्यक्रम गरी मनाएका छन्।विदेशी संस्कृति र पहिरनको बढ्दो प्रभावका कारण नेपाली मौलिकता संकटमा पर्न थालेपछि त्यसको प्रतिकारस्वरूप यो अभियान सुरु गरिएको अभियन्ताहरूले बताएका छन्।
ढाका तथा भादगाउँले टोपी नेपालीपनको प्रतीकका रूपमा विश्वभर चिनिएको भन्दै यसको ऐतिहासिक र सांस्कृतिक महत्त्वबारे विराटनगरमा एक परिचर्चा गरिएको छ।कौशल निरौलाको संयोजनमा भएको एक अनौपचारिक कार्यक्रममा ढाकाटोपी तथा राष्ट्रिय पोषाकको महत्वका विषयमा चर्चा गरिएको हो ।
यस्तै कोरियामा रहेका नेपालीहरूले राष्ट्रिय पोशाक तथा ढाका टोपी दिवस मनाएका छन् । त्यहाँ रहेका नेपालीहरूले राष्ट्रिय झण्डा ,सगरमाथा,गौतमबुद्धको फोटो समेत लिएर एकआपसमा शुभकामना आदानप्रदान गरेको सौल कोरियामा रहेका सन्तोष सिग्देलले जानकारी दिए ।
