काठमाडौं, १० फागुन । आइतबार नेपालको बजारमा सुन र चाँदी दुवैको भाउ बढेको छ। नेपाल सुनचाँदी व्यवसायी महासंघका अनुसार यस दिन सुनको भाउ प्रतितोला ५ हजार ६ सय रुपैयाँले बढेर ३ लाख १० हजार ३ सय रुपैयाँ पुगेको छ। अघिल्लो दिन सुन प्रतितोला ३ लाख ४ हजार ७ सय रुपैयाँमा कारोबार भएको थियो।
यसअघि माघ १५ गते सुनको भाउ प्रतितोला ३ लाख ३९ हजार रुपैयाँ पुगेको थियो, जुन हालसम्मकै उच्च हो।
चाँदीको भाउ पनि यस दिन तोलामा ३७५ रुपैयाँले बढेको छ। अघिल्लो दिन प्रतितोला ५ हजार ५० रुपैयाँमा कारोबार भएको चाँदी आइतबार ५ हजार ४२५ रुपैयाँ पुगेको छ। चाँदीको हालसम्मकै उच्च भाउ भने माघ १५ गते कायम भएको प्रतितोला ७ हजार ५०५ रुपैयाँ रहेको छ।
