६१४ नेपालीले त्यागे नागरिकता

काठमाडाैं, फागुन १२ । गृह मन्त्रालयको पछिल्लो तीन महिनाको प्रगतिविवरण अनुसार ६१४ नेपालीले नागरिकता त्यागेका छन्। वैदेशिक रोजगारी, उच्च शिक्षा, विदेशी नागरिकसँग विवाह र विकसित देशमा स्थायी बसोबासका कारण यो संख्या बढिरहेको छ। नेपालले दोहोरो नागरिकतालाई मान्यता नदिने भएकाले विदेशी नागरिकता लिनेहरूका लागि नेपाली नागरिकता त्याग अनिवार्य हुन्छ। यसै अवधिमा ५६ हजारभन्दा बढीले नागरिकताको विवरण संशोधन गरेका छन् भने जम्मा दुई लाख दुई हजार ९५६ नागरिकता जारी भएका छन्।