काठमाडाैं २०८२ चैत ३ । वाणिज्य तथा आपूर्ति विभागले ग्यास उद्योगी र वितरकहरूलाई कृत्रिम अभाव सिर्जना नगर्न कडा निर्देशन दिएको छ। ललितपुरको हरिसिद्धिस्थित श्रीराम ग्यास उद्योगको गोदाममा अनुगमनका क्रममा ६ हजार ३ सय ७७ वटा भरिएका सिलिन्डर लुकाइराखेको फेला परेपछि सो उद्योगलाई ३ लाख रुपैयाँ जरिवाना गरिएको छ। साथै, ती सिलिन्डर नेपाल आयल निगमको रोहवरमा तत्काल बजारमा पठाउन आदेश दिइएको छ।
विभागले ७.१ किलोको आधा सिलिन्डर वितरण नीति लागू गरेसँगै आपूर्ति सहज हुँदै गएको र चाँडै अवस्था सामान्य हुने बताएको छ। कालोबजारी तथा अनुचित व्यापारिक गतिविधिको सूचना टोल फ्री नम्बर ११३७ मा जानकारी गराउन उपभोक्तालाई आग्रह गरिएको छ।
