काठमाडौं, जेठ ११। लुम्बिनी र सुदूरपश्चिम प्रदेशमा आज पनि तातो दिन र तातो लहर चल्ने जल तथा मौसम विज्ञान विभागले जनाएको छ।
दिपायल, धनगढी र नेपालगञ्जमा तातो हावाको लहर चल्नेछ। दिपायलको अधिकतम तापक्रम ३८–४० डिग्री सेल्सियस भने धनगढी र नेपालगञ्जको ३९–४१ डिग्री सेल्सियससम्म पुग्ने अनुमान छ।
भैरहवा, घोराही र वीरेन्द्रनगरमा पनि तातो दिन हुनेछ। भैरहवाको तापक्रम ३८–४० डिग्री, वीरेन्द्रनगरको ३७–३९ डिग्री र घोराहीको ३६–३८ डिग्री सेल्सियस रहने पूर्वानुमान छ।
काठमाडौंसहित मध्य र पूर्वी नेपालमा भने मेघगर्जन चट्याङसहित वर्षा हुने सम्भावना छ। केही ठाउँमा भारी वर्षा पनि हुनसक्ने मौसमविदहरूले बताएका छन्।
पश्चिम नेपालमा तत्काल पानी पर्ने सम्भावना नभएकाले गर्मी केही दिन बढ्ने भएकाले सतर्कता अपनाउन सुझाव दिइएको छ।
