काठमाडाैं, जेठ २५ । चीनका राष्ट्रपति सी चिनफिङ आज विषेश भेटघाटकाे लागि उत्तर काेरिया पुगेका छन् ।
किन पुगे सी उत्तर काेरिया ?
चीनका राष्ट्रपति सी चिनफिङका लागि उत्तर कोरिया एक यस्तो छिमेकी हो, जसलाई न नियन्त्रणमा राख्न सकिन्छ, न त गुमाउन नै सकिन्छ ।
दुई देशले आफ्नो सम्बन्धलाई प्रायः “रगतले जोडिएको” भनी वर्णन गर्छन् — कोरियाली युद्धमा सँगै लडेको साझा इतिहासको सन्दर्भमा । तर पछिल्ला वर्षहरूमा आपसी अविश्वासले दुई देशबीचको सम्बन्धमा चिसोपन ल्याएको छ । अहिले बेइजिङ रणनीतिक दृष्टिले अत्यन्त महत्त्वपूर्ण तर अप्रत्याशित व्यवहारका लागि चिनिने यस साझेदारमाथि पुनः आफ्नो प्रभाव जमाउने कोशिसमा छ ।
चीन आफ्नो सीमामा स्थिरता चाहन्छ र प्योङयाङमा (capital of NK) आफ्नो पहुँच कायम राख्न चाहन्छ, तर उत्तर कोरियाको आणविक महत्त्वाकांक्षाले निम्त्याउने संकटमा फस्न भने चाहँदैन ।
यसै सन्दर्भमा सी चिनफिङको यस साताको भ्रमण मित्रताको प्रदर्शनभन्दा पनि कूटनीतिक दबाब र प्रभाव विस्तारको अभ्यास बन्ने देखिन्छ । दक्षिण कोरियाको आकलन छ कि सी उत्तर कोरिया र अमेरिकाबीच चीनलाई मध्यस्थकर्ताको भूमिकामा स्थापित गर्न खोज्न सक्छन् । तर बेइजिङका आफ्नै अन्य उद्देश्य पनि हुन सक्ने विश्लेषकहरू बताउँछन् ।
पश्चिमी कूटनीतिक सूत्रहरूले बीबीसीलाई जानकारी दिएअनुसार उत्तर कोरिया र रुसबीच बढ्दो नजिकीपनले चीनलाई चिन्तित बनाएको छ । गत साता रुसी राष्ट्रपति भ्लादिमिर पुटिनसँग भेटघाट सकेर फर्केका सी चिनफिङ अब उत्तर कोरियाली नेता किम जोङ उनलाई पनि आफ्नो प्रभावमा राख्न चाहन्छन् — विशेषगरी त्यस बेला जब चीन विश्व मञ्चमा आफ्नो उपस्थिति झन् बलियो बनाउँदै गइरहेको छ ।
