राजेश शर्मा
जोगबनी (भारत), आसोज २६
दाइजो नदिएको विषयमा यातना खेप्दै आएकी एक नेपाली चेली, भारतमा मृत अवस्थामा फेला परेकी छिन् । नेपालको विराटनगर पिचरास्थित माइती घर भएकी २२ वर्षीय रन्जना सहनी (बहरदार)को मृत शरिर आज भारितय प्रहरीले भट्टाएको छ ।
दुई दिनदेखि बेपत्ता रहेकी रञ्जनालाई खोज्ने क्रममा प्रहरीेले आज भारतको जोगवनीदेखि करिब ३ किलोमिटर दुरीमा रहेको ‘परमान’ खोलामा शव भेट्टाएको हो ।
प्रहरीको प्रारम्भिक अनुसन्धान अनुसार भारतको जोगवनी भेडयारीस्थित ससुरालीमै रञ्जनाको हत्या भएको हुनसक्ने आँङकलन गरिएको छ । रञ्जनाको ६ महिना अघि भारतिय नागरिक भिम बहरदारसँग बिवाह भएको थियो । उनी भारतको भेडियारीस्थीत ससुरालमा बस्दै आएकी थिईन् ।
प्रहरीले हत्या आरोपमा रन्जनाका श्रीमान सहित चार जनालाई पक्राउ गरेको छ । पक्राउ पर्नेमा सैनी बहरदार, अर्जुन बहरदार र छिमिकी शिवानन्द मुखिया रहेका छन् ।
२ लाख रुपैयाँ दाइजो नदिदाँ श्रीमान्सहित ससुरालपक्षका अन्य सदस्यहरुले रञ्जनाको हत्या गरेको माइती पक्षको आरोप छ ।
यो पनि पढ्नुहोस् : भारतमा रहेको सुसरालीबाट नेपाली चेली बेपत्ता
