विराटनगर,पुष ७
पुष १ गेतबाट विराटनगरमा जारी जुत्ता मेलामा छुटको नाममा डिफेक्ट समानहरु सल्टाउने काम भईरहेको गुनासो बढ्न थालेको छ । नेपाली जुत्ता घरले आयोजना गरेको उक्त जुत्ता मेलामा १५ देखि ६० प्रतिशतसम्म छुट दिने बताईएको छ । तर छुटमा दिईने जुत्ताहरु कम्पनीवाट म्यानुफयाक्चर डिफेक्ट (उत्पादन हुदै बिग्रिएको) हुने समेत खुलासा भएको छ । त्यस्ता जुत्ताहरु साईज नमिलेको, उद्रिएको र पुरानो हुने गरेको समेत पाईएको छ ।
साथै जुत्ता मेलाका धेरै जुत्ताहरु स्टक किलियरेन्सको रुपमा राखिएको छ । स्टक किलियरेन्स अर्थात पुराना बिक्न नसक्ने जुत्ताहरु सल्टाउने काम भईरहेको छ ।
त्यतिमात्र नभएर जुत्ता मेलामा राखिएको जुत्ताहरु काठमाडौंबाट छनौट मालको रुपमा आएको समेत स्रोतको दावी छ । स्रोत भन्छ काठमाडौको भृकुटि मण्डपमा मंसिर ६ गते लागेको एक हप्ते जुत्ता मेलावाट छाटिएर आएको मालहरु विराटनगरको जुत्ता मेलामा राखिएको छ ।

उक्त जुत्ता मेलाको संचालक होमनाथ उपाध्याय हुन् । काठमाडौं निवासी होमनाथ उपाध्यायले विगतको दुई वर्षदेखि यसरी नै विराटनगरमा जुत्तामेलाको आयोजना गरी विराटनगरवासीलाई स्टाक र म्यानुफ्याक्चर डिफेक्ट जुत्ता बेचबिखन गरिरहेका छन् । उनलाई यस ठगीधन्धामा विराटनगर निवासी एवं हाईलाईफ शु का संचालक बिकास र विनय चौधरी (दाजुभाई) ले भरपुर साथ दिएका छन् । विकास चौधरी पटक पटक भारतिय र नेपाली दुवै (डियोल)नागरिता भएको विवाद मुछिदै आएका व्यक्ति समेत हुन् । उनको कयौं पटक संचारमाध्यमहरुमा भारितय मतदाता परिचय पत्र भएको समेत समाचारहरु बाहिर आइसकेका छन् । अन्य कुनै देशको नागरिता भए नेपालको नागरिता स्वतः खारिज हुने नेपालमा कानुनी प्रावधान समेत रहेको छ ।