विराटनगर, माघ २
विराटनगर महानगरपालिकाका राजस्व महाशाखा प्रमुख राजेन्द्र प्रधानले कानुन विपरित महानगपालिकाकै दुई विद्यालयहरुमा लेखापारिक्षक नियुक्ति लिएका छन् । उनलाई महानगरपालिकाको शिक्षा शाखाले उक्त नियुक्ति दिएको हो । कानुनतः महानगरको कर्मचारीले महानगर अन्तर्गत संचालनमा रहेका विद्यालयहरुमा लेखापरिक्षकको कार्य गर्न पाउदैनन् ।
प्रधान एर एण्ड एसोसिएटको फर्मबाट प्रधानलाई विराटनगरको जनपथ मा.वि. र मदरसा फैजुनवि विद्यालयमा नियुक्ति गरिएको छ । महानगर अन्तर्गत नै संचालनमा रहेको विद्यालयहरुमा महानगरकै कर्मचारीले लेखापरिक्षकको नियुक्ती पाए आर्थिक अनियमितामा सघाउ पुग्ने जानकारहरु बताउछन् । त्यसको अलावा दोहोरो सुविधा हुने भएकाले पनि एक ठाँउका कर्मचारीले अन्य ठाँउमा काम गर्न बन्देज गरिएको छ ।
त्यसबाहेक पनि प्रधानले विराटनगरको अन्य ४ दर्जनभन्दा बढी विद्यालयमा लेखापरिक्षकहरु नियुक्तिमा आर्थिक चेलखेल गरेको स्रोतको दावी छ ।

ADVERTISEMENT