विराटनगर, फागुन १
विराटनगरमा हुन लागेको विराट एक्स्पो २०७६मा यसपटक बरमझियाको पेडा समेत पाईने भएको छ । आयोजक उद्योग संगठन मोरगले बुधबार एक्स्पोको तयारी बारे पत्रकारहरुलाई बताउँदै एक्स्पोमा बरमझियाको पेडा राखिने जानकारी गराएको हो ।
सप्तरीको कञ्चनरुप नगरपालिकाको बरमझिया गाँउमा पाइने पेडाको स्वादको प्रंशसा देशै भरि हुने गर्दछ । पुर्वबाट काठमाडौं तर्फ जानेहरुले बरमझियाको पेडालाई विषेश कोशेली समेत बनाएर लाने गर्दछन् । स्वादले उत्कृष्ट र पुर्वका मानिसहरुविच लोकप्रिय रहेकाले पनि बरमझियाको पेडा एक्स्पोको लागी एउटा आर्कषण हुनसक्ने आयोजकको बुझाई छ ।
उक्त एक्स्पो विषेशगरी कृषी तथा उद्यौगीक उत्पादनहरुलाई प्रद्धशनी गर्ने उद्देश्यका साथ आयोजना हुदैछ । एक्स्पोमा ३ सय ४० वटा स्टल रहने बताइएको छ । आयोजकका अनुसार ४० वटा विदेशी कम्पनी, ६० वटा कुषि, घरेलु तथा हस्तकलाका स्टलहरु रहने छन् । त्यस्तै औद्योगिक उत्पादनहरुका लागी १६० वटा , अटो मोवाइल्स ३८, खाद्यन्नका १२ स्टल रहने छ ।
त्यसबाहेक पनि मेलामा जुम्लाको स्याउ, मार्सि चामल, पोखराको पाउ, उदयपुरको खरायो र बरमझियाको पेडा पनि राखिने आयोजकले जनाएको छ ।

विराट एक्स्पो मेला फागुन २ गतेवाट शुरु भएर फुागन १० गते सम्पन्न हुनेछ ।