काठमाडौं, चैत ५
कोरोनाको प्रकोपले व्यापार ओरालो लागेको भन्दै बानेश्वरका व्यापारीहरुले घर बाहलमा ५० प्रतिशत छुटको माग गरेका छन् ।
उक्त मागलाई मध्यनजर गर्दै नयाँ बानेश्वर व्यापार व्यवसायी सँघले घरधनीसँग ५० प्रतिशतसम्म छुटका लागी अनुरोध गर्ने आज सांगठनिक निर्णय गरेको छ । संघका अध्यक्ष रामशरण गिरीले कोरोनाको प्रक्रोप निरुपण नहुनजेल भाडा घटाउनु पर्ने हिसाबले संघले कुरा अघि बढाउने बताएका छन् । त्यस्तै, यस संक्रमणकालको अवस्थामा व्यापारीहरुले लिएको ऋणको ब्याज दर घटाउन समेत संघले बैंक तथा वित्तिय संस्थालाई अनुरोध गर्ने दोस्रो निर्णय गरेको छ ।
त्यसैगरी पशु तथा वनस्पतीजन्य र अन्य खाद्यवस्तु मालसमानहरुको आयतनिर्यातमा लगाइएको प्रतिवन्धलाई यथासिघ्र फुकुवा गर्न संघले सरकारलाई दाबाब स्वरुप ज्ञापनपत्र बुझाउने निर्णय गरेको छ । भाइरसलाई रोकथाम गर्न भन्दै सरकारले कुनैपनि वैज्ञानिक पुष्टी विनै हचुवाको भरमा पशु तथा बनस्पतीजन्य मालबस्तु आयत निर्यातमा प्रतिबन्ध लगाएको संघको भनाई छ ।
