विराटनगर, वैशाख २४
नेपालको पुर्वी नाका विराटनगरबाट बरामद भएको एक कारोडभन्दा बढी अवैध भारतिय रुपैयाँ सार्वजनिक हुनुभन्दाअघि गोलमाल भएको आशंका उत्पन्न भएको छ । मंगलबार विराटनगरको एकिकृत जाँच चौकीबाट पक्राउ परेको एक भारतिय ट्रकमा स्राते नखुलेको १ करोड ९ लाख ७९ हजार ७ सय ३० भारतिय रुपैयाँ बरामद भएको थियो । बरामद भएको पैशाको अकाडा हेर्दा केहि रकम गायब भएको हुनसक्ने अनुमान गरिएको छ । लामो समयदेखि आर्थिक अपराध क्षेत्रमा कलम चलाउदै आएका एक पत्रकार भन्छन् “कसैले पनि ठुलो मात्रमा पैशा पठाउदा रकमको आकडा पुरापुरी मिलेको हुन्छ । जस्तो १ करोड १० लाख, १ करोड ५० लाख । तर १ करोड ९ लाख ७९ हजार यो रकम अलिक पुरापुरी भएन । कसैले केही रकम गायब गरेको हुनसक्ने स्वाभाविक रुपमा आशंका उब्जन्छ ”
निरिक्षक कार्की
उक्त अवैध रकमसहितको ट्रकलाई शसस्त्र प्रहरीका निरिक्षक अनिल कार्कीको टोलीले पक्राउ गरेको बुझिएको छ । निरिक्षक कार्किकै टोलीले ट्रकमा शंकास्पद वस्तु देखेपछि उक्त चिजलाई खोतलने क्रममा अवैध पैशा भेटाएको थियो । तर प्रहरीले उठाएको उक्त कदम कानुनः गलत भएको कानुनविद बताउँदछन् । प्रहरीले एकलौटी ढंगबाट कुनैपनि शंकास्पद वस्तु खोतालखुतुल गरे त्यहाँ गोलमाल हुनसक्ने जनाकारहरु बताउँदछन् ।
भन्सार ऐन अनुसार कुनै पनि शंखास्पद पार्सल बरामद भएको खण्डमा भन्सार कार्यलय प्रतिनिधि र राजस्वको प्रतिनिधिलाई राखेर मात्र मुचुल्का उठाउन पाउने प्रावधान छ । भन्सार र राजस्वका प्रतिनिधिको उपस्थिती बिना प्रहरीले एकलौटी ढंगबाट बरामद भएको बस्तुलाई कुनैपनि खोल्को छडेखानी गर्न कानुनले बन्देज लगाएको छ । उक्त कानुनी प्रावधानको बारेमा प्रहरी जनकार हुदाहुदै पनि एकलौटी ढंगबाट कदम उठाउनुले पनि प्रहरी नियत र कार्यशैलीमा माथि ठुलो प्रश्न चिन्ह खडा गरेको छ ।
