विराटनगर, वैशाख २४
भारतवाट नेपाल प्रवेश गरेको एक ट्रकमा अवैध १ करोड ९ लाख ७९ हजार ७ सय ३० भारतीय रुपैयाँ फेला परेको छ ।
मंगलबार विराटनगरको एकीकृत भन्सार जाँच चौकीमा भारतबाट नेपाल प्रवेश गरेको भारतीय ट्रकमा सशस्त्र प्रहरीको सीमा सुरक्षा बलले उक्त रकम बरामद गरेको हो । रकमसँगै ट्रकका चालक र सहचालक पनि पक्राउ परेका सशस्त्र प्रहरीले जनाएको छ ।
रकमलाई कार्टुनमा हाली बाहिरबाट बोराले बेरिएको अवस्थामा रकम फेला परेका जनाईएको छ ।