काठमाडौं, श्रावण १४
नेपाल दूरसञ्चार प्राधिकरणलाइ स्मार्ट टेलिकम प्रालिले १५ दिन भित्र ३० करोड नबुझाए स्वतः अनुमति पत्र खारेज हुने भएको छ । सोमबार साँझ बसेको दूरसञ्चार प्राधिकरणको बोर्ड बैठकले यस्तो निर्णय गरेको हो ।
२ अर्ब ५९ करोड रुपैयाँ तिर्न बाँकी भएको स्मार्ट टेलिकम प्रालिले १५ दिन भित्र ३० करोड रुपैया बुक्तान गर्ने यसअघि प्रतिवद्धता गरेको थियो
स्मार्टले १५ दिन भित्र ३० करोड बुझाए पनि ३ महिना भित्र बाँकी सबै रकम बुझाउनुपर्ने समेत बैठकले निर्णय लिएको छ ।
यस अघि साउन १ गते बसेको समितिको बैठकले स्मार्ट टेलिकमललाई १० दिनको म्यादसहित स्पष्टीकरण सोधेको थियो । उत्तरमा स्मार्टले १५ दिनभित्र ३० करोड र ३ महिना भित्र सबै बक्यौता चुक्ता गर्ने प्रतिबद्धता जनाएको थियो ।
