विराटनगर, जेठ २२
लकडाउनको मोडालिटि परिवर्तन गर्न माग गर्दै विराटनगरका साना तथा ठूला उद्योगी व्यपारीहरुले विरोध प्रदर्शन गरेका छन् ।
परिवर्तनका लागि आवाज (भ्वाइस फर चेन्ज)मा आवद्ध करिब २ सय उद्योगी तथा व्यापारीेहरु आज लकडाउनको विरोध गर्दै विराटनगरका मुख्य बजारमा उत्रिएका थिए । विरोध प्रदर्शन पश्च्यात उनीहरुले ८ बुद्धे माग सहितको ज्ञापन पत्र समेत मोरङको प्रमुख जिल्ला अधिकारीलाई बुझाएका छन् ।
ज्ञापनपत्रमा सम्पुर्ण प्रकारको करमा ५० प्रतिशत छुट दिइनु पर्ने, बैंकको बियाजमा ५० प्रतिशत छुट दिईनु पर्ने, र पसल गोदाम भाडामा ५० प्रतिशत छुट दिने व्यवस्था मिलाईनु पर्ने भनिएको छ ।
उनीहरुले जोर विजोर प्रणाली लागु गरेर सबै खालका पसल तथा व्यावसायहरु संचालनमा ल्याउन दिनु पर्ने माग समेत गरेका छन् ।
विभिन्न पेशा तथा व्यवसायमा आवद्ध व्यक्तिहरु ः रिसब दाहल, प्रविन कुण्डिलिया, प्रविन जैन, गोपाल अग्रवाल, मनोज विक्रम साह, शेरसिहं दुगड, अभिसेक केडिया, सृजन प्याकुरेल, सुनिल धनावत, मोहित अग्रवाल, विजय भगत, नाजिर महोमदको अग्रसरतामा उक्त विरोध कार्यक्रम आयोजना भएको थियो ।
