१० आश्विन २०७८, आइतबार
Close
बिज्ञापन
सतै प्रदेशको बजेट सार्वजनिक

Janacharcha.com सोमबार, आषाढ ०१, २०७७ मा प्रकाशित

काठमाडौं, आसर १

आज देशका सातै प्रदेश सरकारले आर्थिक वर्ष २०७७/७८ का लागी बजेट सार्वजनिक गरेको छ ।

ADVERTISEMENT

प्रदेश १ बजेट : ४० अर्ब ८९ करोड ९९ लाख ४७ हजार

मोरङ — प्रदेश १ सरकारले आर्थिक वर्ष २०७७र७८ का लागि ४० अर्ब ८९ करोड ९९ लाख ४७ हजारको बजेट ल्याएको छ ।
बजेटमा चालुतर्फ १८ अर्ब ९३ करोड ४९ लाख ९३ हजार र पूँजिगततर्फ २१ अर्ब ९२ करोड ५० लाख ४ हजार विनियोजन गरिएको छ । प्रदेश १को सरकारले वित्त व्यवस्थातर्फ ४ करोड र अन्तर सरकारी वित्त हस्तान्तरणतर्फ २ अर्ब ८८ करोड ८२ लाख ४५ हजार विनियोजन गरेको छ ।
आयतर्फ आन्तरिक स्रोतबाट ४ अर्ब ७५ करोड ७ लाख ४७ हजार संकलन गर्ने प्रदेश सकारको लक्ष्य छ । त्यस्तै नगद मौज्दात ६ अर्ब, राजश्वबाँडफाँडबाट १० अर्ब ३ करोड ४५ लाख, अनुदानबाट १५ अर्ब ११ करोड ३८ लाख र अपुग ५ अर्ब बजेट नेपाल सरकारबाट ऋण लिने प्रदेश सरकारको योजना छ ।
आर्थिक मामिला तथा योजना मन्त्री इन्द्रबहादुर आङ्बोले प्रदेशसभामा सोमबार प्रदेश १ को बजेट प्रस्तुत गरेका थिए ।

प्रदेश २ बजेट : ३३ अर्ब ५६ करोड ९ लाख ९६ हजार

अगामी आर्थिक वर्षका लागि प्रदेश २ सरकारले ३३ अर्ब ५६ करोड ९ लाख ९६ हजार रुपैयाँ विनियोजन गरेको छ ।
बजेटमा चालूतर्फ १५ अर्ब ४२ करोड २६ लाख ९८ हजार र पुँजीतर्फ १७ अर्ब ९८ करोड ८२ लाख बजेट विनियोजन गरिएको छ ।
आन्तरिक स्रोत राजश्वबाट १२ अर्ब २४ करोड २८ लाख ६० हजार रुपैयाँ र नेपाल सरकारबाट अनुदान १३ अर्ब ४० करोड ५९ हजार संकलन गर्ने सरकारको योजना छ ।
आर्थिक मामिला तथा योजना मन्त्री विजयकुमार यादवले सोमबार प्रदेशसभामा बजेट प्रस्तुत गरेका थिए ।

(प्रदेश ३) बागमती प्रदेश बजेट : ५१ अर्ब ४२ करोड ७४ लाख ९४ हजार
बागमती प्रदेश सरकारले आगामी आर्थिक वर्ष २०७७र७८ का लागि ५१ अर्ब ४२ करोड ७४ लाख ९४ हजार रुपैयाँको बजेट ल्याएको छ ।
बजेटमा चालुतर्फ २६ अर्ब २८ करोड ७३ लाख ३५ हजार विनियोजन गरिएको छ । पुँजीगततर्फ २५ अर्ब १४ करोड १ लाख ५९ हजार बजेट विनियोजन भएको छ ।
आर्थिक मामिला तथा योजनामन्त्री कैलाश ढुंगेलले प्रदेशसभामा बजेट प्रस्तुत गरेका थिए ।

(प्रदेश ४) गण्डकी प्रदेश बजेट: ३४ अर्ब ८४ करोड २१ लाख ६० हजार
गण्डकी प्रदेश सरकारले आगामी आर्थिक वर्ष २०७७र०७८ का लागि ३४ अर्ब ८४ करोड २१ लाख ६० हजार रुपैयाँको बजेट ल्याएको छ ।
गण्डकी प्रदेशका आर्थिक मामिला तथा योजना मन्त्री किरण गुरुङले प्रदेशसभामा बजेट प्रस्तुत गरेका थिए । बजेटमा चालूतर्फ १४ अर्ब ३४ करोड ५६ लाख ८४ हजार र पुँजीगततर्फ १९ अर्ब ९९ करोड ९४ लाख ७६ हजार बजेट विनियोजन गरिएको छ ।
प्रदेश सरकारले पहिलोपटक वित्तीय व्यवस्थापनतर्फ ५० करोड बजेट विनियोजन गरेको छ ।
वित्तीय समानीकरण अनुदान ७ अर्ब ११ करोड २६ लाख, सशर्त अनुदान ४ अर्ब २० करोड ८४ लाख, समपूरक अनुदान १ अर्ब ५७ करोड ३७ लाख , रोयल्टीबाट ३० करोड, आन्तरिक राजस्वबाट ४ अर्ब ६० करोड ८५ लाख ६० हजार संकलन गर्ने सरकारको योजना रहेको छ ।

प्रदेश ५ बजेट: ३६ अर्ब ३५ करोड २५ रुपैयाँ
प्रदेश ५ सरकारले आर्थिक वर्ष ०७७र०७८ का लागि ३६ अर्ब ३५ करोड २५ रुपैयाँको बजेट ल्याएको छ ।
आर्थिक मामिला तथा योजना मन्त्रालयको समेत जिम्मेवारी सम्हालेका मुख्यमन्त्री शंकर पोखरेलले सोमबार प्रदेशसभा वैठकमा बजेट प्रस्तुत गरेका हुन् । चालुतर्फ १२ अर्ब ५९ करोड २४ लाख ९८ हजार र पुँजीगततर्फ १८ अर्ब ६१ करोड ९९ लाख ५२ हजार र वित्तीय हस्तान्तरणतर्फ ५ अर्ब १४ करोड ५० हजार रुपैयाँ रहेको छ ।
स्रोतमा राजश्व बाँडफाँटबाट ११ अर्ब ३४ करोड २ लाख, आन्तरिक राजश्वबाट २ अर्ब ३ करोड ७५ लाख, रोयल्टी बाँडफाँटबाट ८८ करोड ५६ लाख, वित्तीय समानीकरण अनुदान १७ अर्ब ६३ करोड ७१ लाख, सशर्त अनुदानबाट ५ अर्ब ८८ करोड ३६ लाख समपूरक अनुदानबाट ४८ करोड ३३ विशेष अनुदानबाट २१ करोड रुपैयाँ रहेको छ । आन्तरिक ऋणबाट १ अर्ब र नेपाल सरकारसँगको ऋणबाट १ अर्ब ऋण लिने भएको छ ।

(प्रदेश ६) कर्णाली प्रदेश बजेट : ३३ अर्ब ७४ करोड १३ लाख ५३ हजार
कर्णाली प्रदेश सरकाले आगीमी अर्थिक वर्षको लागी ३३ अर्ब ७४ करोड १३ लाख ५३ हजार रुपैयाँको बजेट ल्याएको छ । पुँजीगततर्फ १९ अर्ब ६ करोड ९१ लख २१ हजार र चालुतर्फ ११ अर्ब ६७ करोड ५७ लाख ३२ हजार रहेको छ ।
सोमबार प्रदेश सभामा आर्थिक मामिला तथा योजनामन्त्री प्रकाश ज्वालाले उक्त बजेट पेश गरेका थिए ।

प्रदेश ७ सुदूरपश्चिम प्रदेश बजेट: ३३ अर्ब ३८ करोड १३ लाख ४८ हजार
सुदूरपश्चिम प्रदेश सरकारले ३३ अर्ब ३८ करोड १३ लाख ४८ हजारको बजेट ल्याएको छ । प्रस्तुत बजेटमा १४ अर्ब १८ करोड ७८ लाख चालु र १६ अर्ब ७२ करोड ८४ लाख पुँजीगत बजेट रहेको छ ।
सुदूरपश्चिम प्रदेशका आर्थिक मामिला तथा योजना मन्त्री झपटबहादुर बोहरा बजेट प्रस्तुत गरेका थिए ।

तपाईको प्रतिक्रिया

सम्बन्धित

ताजा अपडेट
वेलायती माेडलकाे ‘विराटनगर इन्टरनेशनल कलेज’ले थप नँया तिन काेर्ष संचालनमा ल्याउदै
मुक्तिनाथ विकास बैंकले अब सर्वाधिक ब्याज दिने
कांग्रेस विराटनगर सभापतिमा चार जनाको दाबी
थप समाचार
About Contact

COOPERATED BY:

KHEM POUDEL (JHAPA)

DINESH KHADKA (MORANG)
BHIM LAMICHHANE (BIRATNAGAR)
BATUKRAJ GIRI (KATHMANDU)

PRABIN K. GHIMIRE ( NEW DELHI, INDIA)
PITAM KHATIWADA (BIRATNAGAR)

CONTACT

Biratnagar -06, Morang Province 1

021-590566, 9812349000 (Hot-line)
Email: [email protected]

News-Director : Bijay Kumar Pathak

Editor : Manu Budathoki / Sushil Pokhrel

info deprt reg no. 1654/076-77

press council permit no: 362-076/077

सामाजिक संजाल