काठमाडौं, आसर २३
लकडाउनको कारण लामो समय बन्द रहेको सेयर बजार खुलेसँगै साधारण सेयर (आईपीओ) धमाधम जारी भइरहेको छ । सरकारले लकडाउन खुकुलो बनाएसँगै २ वटा कम्नीहरुले आईपीओ जारी गरिसकेका छन् ।
एनआईसी एसिया लघुवित्त वित्तीय संस्था र साधना लघुवित्त वित्तीय संस्थाले लकडाउन खुकुलो बनाएसँगै आईपीओ जारी गरेका हुन् । यस अवधिमा एनआईसीको आईपीओ बाँडफाँट समेत भईसकेको छ भने साधनको सेयर बाँडफाँट असार २४ गते हुदैछ ।
एनआईसी एसिया लघुवित्त र साधना लघुवित्तको आईपीओ खुलेपछि यसलगत्तै फेरि अर्को बीमा कम्पनीले अजोड इन्स्योरेन्सले असार २५ गतेदेखि आईपीओ बिक्री खुला गर्दैछ । कम्पनीले २७ लाख ३० हजार कित्ता सार्वजनिक निष्कासनमार्फत् बिक्री खुला गर्न लागेको छ ।

आईपीओमा १७ कम्पनीको आवेदन

ADVERTISEMENT

हाल १७ वटा कम्पनीले आईपीओ जारी गर्न आवेदन दिएको नेपाल धितोपत्र बोर्डले जनाएको छ ।
आवेदन दिनेमा हिमालयन हाईड्रोपावर (२२५०००० कित्ता आइपीओ), विन्धवासिनी हाइड्रोपावर कम्पनीले (२५००००० कित्ता आइपीओ), चन्द्रागिरी हिल्स (१८४०९१० कित्ता आइपीओ) रहेका छन् ।
यसै गरी ३ वटा बिमा कम्पनीहरु पनि आवेदन स्वीकृत हुने पखाईमा छन् । जसमा रिलायन्स लाइफ कम्पनी (६३००००० कित्ता आइपीओ), सानिमा जनरल इन्स्योरेन्स (३०००००० कित्ता आइपीओ) र जनरल इन्स्योरेन्स कम्पनी (६३००००० कित्ता आइपीओ) रहेका छन् ।

त्यस्तै शुभम् पावर कम्पनीले (५८०५८० कित्ता आइपीओ), इमर्जिङ नेपालले (५००००० कित्ता आइपीओ), सीईडीबी हाइड्रोपावरले २५१८२३० कित्ता आईपीओ), तेह्रथुम पावर कम्पनीले (१२००००० कित्ता आइपीओ), मध्य भोटेकोशी जलविद्युत् कम्पनीले (१५०००००० कित्ता आइपीओ) र समाज लघुवित्त वित्तीय संस्थाले (८६०००कित्ता आइपीओ) जारी गर्ने तयारीमा आवेदन दिएको छ ।