विराटनगर, असार ३
कर्जाका नयाँ योजनाबारे जानकारी दिन शुक्रवार एनआईसी एसिया बैंकले विराटनगरमा आयोजना गरेको पत्रकार सम्मेलनमा बैंकका प्रतिनिधिलाई पत्रकारको प्रश्नले लज्जित बनायो । बैंकको ठग पोलेसीले गर्दा ग्राहकले दुःख पाएको केहि घटनाहरु पत्रकारले सुनाएपछि पत्रकार सम्मेलनमा उपस्थित बैंकको प्रतिनिधिहरुको मुन्टो उचालिन नसक्ने गरी निहुरीयो । फुल एयर कण्डिसन सभाहलमा पनि पत्रकारको प्रश्नले प्रादेशिक प्रमुख दिपक थापा सहित आधा दर्जन एनआईसी एशिया बैंकका प्रतिनिधिको निधारबाट पसिना निकाल्यो ।
सम्मेलनमा पत्रकारहरुले एनआईसी एशिया बैंक आफ्नो योजनाहरुमा तथस्ट नरहेको गुनासो ग्राहकहरुबाट आएकाे बताएका थिए । बैंकले सहुलियत दरमा ऋण स्वीकृत गरेपनि, ऋण लिएको एक वर्ष नबित्दै ब्याज दर दब्बोर तेब्बर पार्ने बैंकको ठग पोलेसीले ग्राहकलाई प्रताणित बनाएको पत्रकारले सुनाए । सहुलियत ब्याजदरमा ऋण भन्दै बैंकले ग्राहकलाई आकर्षीत गर्ने र ऋण लिन जादा कम्पनीको पोलेसी परिवर्तन भयो भन्दै ग्राहकलाई एनआईसीले ठगी गर्ने गरेको पत्रकारहरुले अरोप समेत लगाए ।
केही पत्रकारहरुले आफुहरु स्वयम बैंकबाट ठगीएको प्रसंग सुनाउदै “बैक पनि, साथी पनि” भन्ने बैंकको नारालाई “बैक पनि, डाका पनि” मा परिणत गर्न भन्दै व्याङ्य समेत गरे ।
बैंकले हप्ता दिनमै ऋण स्वीकृती हुने प्रचार गरेतापनि, ऋण खोज्न आउने ग्राहकहरुले महिनौ दिनसम्म कागजपत्र लिएर धाउदा समेत ऋण पाउने नगरेको पत्रकारहरुले तितो यर्थाथ सुनाए ।
एनआईसी एशिया बैंकका प्रतिनिधिहरुले ग्राहक तथा सरोकारवालको गुनासो केहिले पनि सुन्ने नगरेको पत्रकारहरुले आरोप समेत लगाए । बैंकका प्रदेशीक प्रमुख दिपक थापालाई ईङ्गीत गर्दै एक पत्रकारले भने “वहाँलाई भेट्न प्रधानमन्त्रीलाई भट्नभन्दा पनि ग्राह्रो रहेछ, पत्रकार कुरा सुन्नहुन्न भने ग्राहकको कुरा त के सुन्नुहुन्छ होला र ?”
