काठमाडौं, श्रावण १६
अमेरिकाको प्रसिद्ध संचारमाध्यम एनबीसी न्यूजले बिनलादेनका छोरा हम्जा मारिएको बताएको छ । तीन जना अमेरिकी अधिकारीको हबला दिदै उक्त संचारमाध्यमले बिन लादेनका छोरा हम्जाको मृत्यु भएको पुष्टी गरेकोे छ । त्यस विषयमा थप विवरण भने ती अधिकारीहरुले दिन अस्वीकार गरेको बताईएको छ । पत्रकाहरुले प्रश्न गर्दा समेत हम्जाको मृत्युकाको समाचार सहि हो वा गलत हो भन्ने विषयमा अमेरिकी राष्ट्रपति डोनाल्ड ट्रम्पलले कुनै प्रतिक्रिया दिएको छैनन् ।
आफूलाई अल–कायदाको नेता भएको बताउँदै आएका हज्मा पछिल्लो समय अमेरिकी प्रशासनको सर्वा्धिक खोजीको सूचीमा थिए । २०१९ फेब्रुअरीमा मा अमेरिकी विदेश मन्त्रालयले हम्जाको बारेमा जानकारी दिनेलाई १० लाख अमेरिकी डलर दिने समेत घोषणा गरेको थियो ।
अमेरिकी विदेश मन्त्रालयले ओसामाको उत्तराधिकारीका रुपमा हम्जाले अलकायदाको नेतृत्व गर्न थालेको जनाएको छ । हम्जाले बेलाबखत अडियो र भिडियो सन्देश मार्फत अमेरिका र उसका पिता (बिनलादेन) को हत्यारालाई आक्रमण गर्ने चेतावनी समेत दिदै आएका थिए ।
