विराटनगर, साउन १६
एकसाता लामो चीन भ्रमण पुरा गरी बिहीबार प्रदेश नं १ का अर्थिक मामिला मन्त्री ईन्द्र आङ्बोको टोली स्वदेश फर्किएको छ । भ्रमण पश्च्यात मन्त्री आङ्बाले निकट भविष्यमा चिनवाट ठुलो लगानीे प्रदेश भित्रने सम्भावना रहेको प्रतिक्रिया दिएका छन् । सान्दोङको सुइफा हुवाइजियको निमन्त्रणामा भएको भ्रमण निकै फलदायी रहेको दावी गर्दै चिनिया लगानीकर्ता प्रदेशमा लगानी गर्न उत्सुक भएको उनले बताए ।
‘ चिनिया लगानीकर्ताहरुलाई प्रदेशमा लगानीको लागि प्रस्ताव गर्दा उनीहरु निकै नै सकारात्मक देखिए ’ मन्त्री आङ्बाले भने ‘ चिनिया लगानीकर्ताको टोली प्रदेशमा लगानीको संभावनाबारे अध्ययन गर्न निकट भविष्यमै आउँदैछन् ।’ चिनियाहरुसँग छलफलको क्रममा आफूहरूले खानेपानी, हाइड्रोमा र अन्य ठुला परियोजनाहरुमा लगानीको लागि आग्रह गरेको भम्रण टेलीकी सदस्य प्रदेश सासंद विन्दिया काकीले बताईन् । ठुला परियोजना बाहेक नेपालबाट चिनमा शुद्ध पिउने पानी निर्यात गर्न सिकने र कृषीको विविध परियोजनामा सहकार्य गर्न सकिने सम्भावना रहेको भ्रमण टोलीका सदस्यहरुको बुझाई छ ।
भ्रमण टोलीले चीनको औद्योगिक प्रान्त सिचुवान र सान्दुङको स्थलगत अवलोकन गरेका थिए । भ्रमण टोलीमा प्रदेश सरकारका उद्योग पर्यटन वन तथा वातावरण मन्त्री जगदिशप्रसाद कुसियत, सांसदहरू सर्वध्वज साँवा, तेजमान कन्दङ्वा र विन्दिया कार्की, आन्तरिक मामिला तथा कानुन मन्त्रालयका सचिव भरतमणि रिजाल, मुख्यमन्त्री कार्यालयका उपसचिव टीकादत्त राई र मुख्यमन्त्रीका स्वकीय सचिव मकर खड्कासहभागी थिए । त्यस्तै निजि क्षेत्रबाट उद्योग वाणिज्य महासंघ प्रदेश १ का वरिष्ठ उपाध्यक्ष राजेन्द्र राउतले सहभागीता जनाएका थिए ।
