काठमाडौं, भदौ १४
समाज लघुवित्त वित्तीय संस्था लिमिटेडको साधारण शेयर (आइपिओ) आज बाँडफाँड नहुने भएको छ । आज प्रि अलोटमेण्ट सकिएको र सोमबार बाँडफाँड हुने सम्भावना रहेको निष्कासन तथा बिक्री प्रबन्धक सिद्धार्थ क्यापिटल लिमिटेडले जानकारी दिएको छ ।
सिद्धार्थ क्यापिटलले यसअघि नेपाल धितोपत्र बोर्डले अनुमति दिएमा आज नै शेयर बाँडफाँड गर्ने तयारी गरेको थियो । शेयर बाँडफाँड कार्यालय मै गरिने र त्यसको प्रत्यक्ष प्रसारण क्यापिटलको फेसबुक पेज मार्फत गरिने समेत बिक्री प्रबन्धक सिद्धार्थ क्यापिटल लिमिटेडले जनाएको छ ।
संस्थाले भाद्र ४ गते बिहीबारबाट ८६ लाख रुपैयाँ बराबरको ८६ हजार कित्ता साधारण शेयर (आइपिओ) निष्कासन तथा बिक्री खुल्ला गरेको हो । जसमध्ये १ हजार कित्ता अर्थात जारी पूँजीको ५ प्रतिशत शेयर कर्मचारीहरुका लागि, ५ प्रतिशत अर्थात ४ हजार ३ सय कित्ता शेयर सामूहिक लगानी कोषका लागि र बाँकी ८० हजार ७ सय कित्ता सर्वसाधारणका लागि निष्कासन गरिएको थियो ।
कम्पनीको उक्त साधारण शेयर सार्वजनिक गर्न निष्कासन तथा बिक्री प्रबन्धकको काम सिद्धार्थ क्यापिटल लिमिटेडले गरेको छ ।
अर्थ संसार डट कमबाट
