विराटनगर, माघ १४
विराटनगरमा संचालित अमन हार्डवेयर करछलीको विवादबाट उम्कन नपाउदै पुनः आर्को विवादमा तानिएको छ । उक्त हर्डवेयरका संचालक राजेन्द्र कुमार अग्रवालले कर मात्र छल्ने हाईन, विभिन्न निमार्णका समानहरु अवैध भण्डारण गरेर समयानुकूल कालोबजारी गर्ने गरेको नयाँ रहस्य खुलासा भएको छ ।
स्रोतले दिएको जानकारी अनुसार अग्रवालले दुई महिना अघि ६८ रुपैयाँ प्रति केजीमा खरिद गरेको छड हाल ८८ रुपैयाँमा बिक्रि गरिरहेका छन् । उक्त छडहरु अग्रवालले निर्माण–सिजन शुरु हुनुअघिनै (२ महिनाअघि) खरिद गरि गोप्य रुपमा राखेका थिए । सोही छडहरु अहिले सजिन शुरु हुन थालेपछि उनले महंगोमा बच्दै आएका छन् ।
अग्रवालले छड तथा अन्य निर्माणका समाग्रीहरु अग्रीम भुक्तानी गरी उद्योगमै छोडिदिने हुनाले समेत उनको अवैध स्टकबारे कसैले पत्ता लगाउन सकेका छैन । उनले छडमा मात्र नभएर निर्माणमा प्रयोग हुने सिमेन्ट, वायर, सेतो सिमेन्ट आधि समानहरु पनि यसैगरी अवैध भण्डारी गरी कलोबजारी गर्दै आएको स्रोतको दावी छ ।
जानकारहरुको अनुसार निर्माण समाग्रीहरुमा अचाकली मुल्यवृद्धि हुनुको पछाडि राजेन्द्र अग्रवालजस्ता व्यापारीको विषेश हात रहेको हुन्छ । व्यापारी–व्यापारी बिचको मिलेमत्तोमा उद्योग तथा बजारमा उपलब्ध सबै समान उठाएर बजारमा कृतिम आभावको सिर्जना गर्ने । र व्यापारीहरुले सोही उठाएर राखेको समानलाई उच्चमुल्यवृद्धि गर्ने गरेका छन् । प्राय नेपालको पुर्वीबजारीमा हुने कार्टलिङको मुख्य योजनाकार राजेन्द्र अग्रवाल नै हुने गरेको स्रोत बताउँदछ ।

तपाईको प्रतिक्रिया