“संयुक्त सरकार बनाऔं” देउवालाई प्रचण्ड–नेपाल समूहको प्रस्ताव

काठमाडौं, फागुन १२

पुष्पकमल दाहाल ‘प्रचण्ड’ तथा माधवकुमार नेपाल र नेपाली कांग्रेसका सभापति शेरबहादुर देउवा बीच भेटवार्ता भएको छ ।
उक्त भेटवार्तामा प्रचण्ड–नेपाल समूहबाट कांग्रेस सभापति देउवालाई राष्ट्रिय संयुक्त सरकार बनाएर जाने प्रस्ताव राखीएको थियो । उक्त प्रस्ताव बारे पार्टीभित्र छलफल गरेर निर्णयमा पुग्ने देउवाले जवाफ फर्काएका थिए ।
कांग्रेस सभापति देउवानिकट स्रोतका अनुसार उनीहरूबीच सत्ता समीकरण, प्रतिनिधिसभा पुनर्स्थापनापछि विकसित राजनीतिक घटनाक्रम, संसद् बैठक, प्रधानमन्त्री केपी शर्मा ओलीविरुद्धको अविश्वास प्रस्ताव लगायतका विषयमा छलफल भएको थियो ।