विराटनगर,फागुन १३
विराटनगर भन्सार एजेन्ट संघको अध्यक्षमा बिजेन्द्र परासर निर्वाचित भएका छन् ।
उनले प्रतिद्वन्दी प्रविण जोशीलाई १ मतले पराजित गर्दै अध्यक्षमा निर्वाचित भएका हुन् । कुल १७ मतदाताहरुले मतदान गरेकोमा परासरले ९ मत प्राप्त गरेका थिए ।
बुधबार विराटनगरमा सम्पन्न संघको चौथाै अधिवेशनबाट परासर सहित ९ जना कार्यसमितिमा निर्वाचित भएका छन् । उक्त अधिवेशनबाट उपाध्यक्षमा सुर्दरशन दाहाल र हरी ठाकुर, कोषाध्यक्षमा बिनोद पैदार (निर्विराेध) , सचिबमा कृष्ण बहादुर थापा , सहसचिब दयानन्द मण्डल (निर्विराेध) का साथै सदस्यहरुमा भरत राज भट्टराई ,रमेश कर्ण , सुरेश अग्रवाल निर्वाचित भएका छन् । थप २ सदस्यहरु आगामी बस्ने कार्यसमिति बैठकले मनोनित गर्ने छ । त्यसैगरी नवल उपाध्यायलाई अध्यक्ष परासरले उपाध्यक्षमा मनाेनित गरेका छन् ।
जोशी र परासर दुबैले आआफ्नो प्यानल खडा गरी निर्वाचनमा भाग लिएका थिए । जसमा जोशी प्यानलबाट सचिबमा थापा र सदस्यमा भरत राज भट्टराई मात्र निर्वाचित भएका छन् ।
