१५ बैशाख २०८२, सोमबार
28-04-2025 , Mon
Gold Silver Price (10 BAI 2082, WED)
Fine Gold 1 Tola NRs. 190900
Silver 1 Tola Nrs. 1980

कुन सक्कली कुन नक्कली ? स्वदेशकै उत्पादकहरुबिच चुलियो ट्रेडमार्क चोरीको विवाद

Logo
प्रकाशित सोमबार, फाल्गुण १७, २०७७

विराटनगर, फागुन १७
स्वदेशकै उत्पादकहरुले एकआर्काको ट्रेडमार्क चोर्न थालेपछि पछिल्लो समय नेपाली बजारमा कपीराईटको विवाद उत्पन्न भएको छ ।
उपभोक्तालाई झुक्याउने गरी नाम चालेको स्वदेशी कम्पनीसँग लोगो, इिजाईन एवं नाम समेत मिल्ने गरी स्वदेशकै केही कम्पनीहरुले आफ्ना उत्पादनहरु बजारमा विस्तार गरेपछि कपीराईटको विवादले उग्र रुप लिएको हो ।

यस्तै ट्रेडमार्क चोरीको विवाद अहिले “हेल्लो” र “सेल्लो” नाम गरेको दुई फरक सूर्यमुखी तेल कम्पनीहरुको बिच चलिरहेको छ ।
मोरङको कटहरीमा रहेको बागमति आयल इण्डस्ट्रिजले विगतको दुई दशकदेखि सेलो ब्राण्डको सूर्यमुखी तेल उत्पादन गरी नेपाली बजारमा बिक्रिवितरण गरिरहेको छ । सोही कम्पनीसँग ट्रेडमार्क, डिजाईन र नाम समेत मिल्दोजुल्दो हुनेगरी अहिले पशुपति खाद्यतेल उद्योगले हेलो ब्राण्डको तेल बजारमा ल्याएको छ ।
बागमति आयल ईण्डिट्रिजले २०५९ सालदेखि सेलो ट्रेडमार्क उद्योग विभागमा दर्ता गराई सूर्यमुखी तेलको उत्पादन गर्दै आएको छ । अर्कोतर्फ हेलो ब्राण्ड भने २०७१ सालमा मात्र रजिष्टर भएको पाईएको छ ।

कम्पनीको नाम डिजाईन र लोगो सबै चिज चोरी गरेको भन्दै पशुपति खाद्यतेल उद्योगको उत्पादन हेलो आयलविरुद्ध उद्योग विभागमा उजुर समेत परेको छ । पशुपति खाद्यतेल उद्योग नेपालका जनामान व्यापारीक समुह सारडा अन्तर्गत रहेको छ । उक्त उद्योग अमित सारडाले संचालन गरिरहेका छन् । यति ठुलो समुहमा जोडिएको उद्योगले अरुको ब्राण्ड चोरी गरेर उत्पादनहरु बजारमा विस्तार गरेपछि व्यापरी तथा उपोभोक्ता वृतमा अहिले सारडा गु्रपको आलोचना भईरहेको छ । सरडा गु्रपको अमित सारडा निर्देशक समेत हुन् ।

कसैले दशकौं मेहनत गरेर बनाएको कम्पनीको ब्राण्ड चोरी गरी नँया उत्पादन बजारमा बिस्तार गर्नु निष्ठानवान् उद्योगीको नैतिकता समेत होइन । कानुनः पनि कसैको ट्रेडमार्क चोरी गर्नु दण्डिनिय विषय हो । पेटण्ट डिजायन र ट्रेडमार्क ऐन २०२२मा अरुको कसैको नाममा दर्ता भएको ट्रडमार्क कानुनी रुपमा नामसारी नगरी प्रयोग गर्नु दण्डिनिय काम हुने उल्लेख गरेको छ । त्यसैगरी सोही ऐनमा अरु कम्पनीसँग लोगो र डिजाईन मिल्ने गरी कुनै पनि कम्पनीले ट्रेडमार्क प्रयोगमा ल्याउनुलाई गरैकानुनी भनेको छ ।

सोही प्रकारको विवाद “भोला” र “मौका” दुई फरक गुड्का उत्पादक विच समेत देखिएको छ । मौका गुड्काले भोला गुड्काको डिजाईन डिट्टो मिल्ने गरी चोरी गरेको आरोप छ । भोला गुड्का श्रीराम टोब्याको उद्योगाले बुटवलबाट उत्पादन गरीरहेको छ भने मौका गुट्का नारायणराज प्रडक्ट कम्पनीले झापाबाट उत्पादन गरीरहेको छ । भोला गुड्काले पनि आफ्नो ट्रडमार्क चोरी गर्ने उद्योगहरुको विरुद्ध मुद्दा दायार गर्ने तयारी गरिरहेको बुझिएको छ ।
यस बाहेकपनि नेपालमा स्वेदशीकै थुप्रै कम्पनीहरुले एकआर्काको ट्रेडमार्क चोरी गरीरहेको तर सरकारको अनुगमन निति फितलो भएको कारण उत्पादकहरुको ट्रर्डमार्क कपीराईटको अधिकार सुनिश्चित नभएको उद्योगीहरुको गुनासो छ ।
अब, उपोभोक्ताले नै चोर कम्पनीहरुको उत्पादनलाई बहिस्कार गरी कपीराईटको अधिकारलाई सुनिश्चित गराउनु जरुरी देखिएको छ ।

कमेन्ट गर्नुहोस्
सम्बन्धित

काठमाडौं ,१२ बैशाख। अमेरिकी अनुदान सहयोग परियोजना मिलेनियम च्यालेन्ज कर्पोरेसन (एमसीसी) बन्द हुने भएको छ । इलोन मस्कको नेतृत्वमा रहेको नयाँ स्थापित सरकारी दक्षता विभागले संघीय खर्च कटौती गर्ने व्यापक प्रयासका स्वरुप एमसीसी केही महिनाभित्र बन्द गर्ने निर्णय गरेको हो । एमसीसीका कर्मचारीहरूलाई मे ५ देखि नै ‘अनपेड लिभ’ मा राखिने सम्भावना छ । कर्मचारी […]

झापा,११ वैशाख  । व्यवसायलाई थप चलायमान बनाउन झापा र सुनसरीका व्यवसायीहरुले व्यवसाय प्रवद्र्धनका लागि असल अभ्यास साटासाट गर्ने भएका छन् । बिर्तामोडका व्यवसायी र सुनसरीको धरानका व्यवसायीबीच व्यवसाय  प्रवर्धनकालागि असल अभ्यास साटासाट गर्ने भएका हुन् । कोभिडपछि सुस्ताएको व्यवसायलाई  चलायमान बनाउँदै महिलाहरुलाई आर्थिक उर्पाजनमा समेत थप टेवा पु¥याउने उद्धेश्यले उत्पादनदेखि बजारीकरणसम्मका लागि झापा र सुनसरीका […]

विराटनगर, वैशाख १० । उद्योग, वाणिज्य तथा आपूर्ति मन्त्रालय मातहतको उपभोक्ता संरक्षण विभागले स्वदेशी तथा आयातित सबै वस्तुमा अधिकतम खुद्रा मूल्य (एमआरपी) लेबल अनिवार्य गर्ने निर्देशन जारी गरेपछि उद्योगी तथा व्यापारीहरू कारबाहीमा पर्न थालेका छन्। २० चैत २०८१ यता  विभागले गरेका अनुगमन र कारबाहीबाट उद्योगी–व्यवसायी एमआरपी लेबल राख्न बाध्य भएका छन् । विभागले गएको चैत […]