विराटनगर २४ फागुन
प्रधानमन्त्री केपी ओलीका आर्थिक सल्लाहकार एव विराटनगरका उद्योगी मोतीलाल दुगडले शक्तिको दुरुपायोग गरेर कानुन विपरित भारतीय चर्चित भुजियाकोे हुबहु नक्कल गरेर उपभोक्ता झुक्याइ रहेका छन् ।

शक्तिको आडमा भारतीय विकानेर भूजिय कम्पनीको नक्कली सेन्चुरी स्पाइस एण्ड स्न्याक्सले भुजियाका तीन ब्राण्ड उपभोक्ता झुक्याउने गरि नेपाली बजारमा ल्याएका हुन ।

दुगडले मुङदाल, कुछकुछ र भुजियाको चारसय ग्रामको प्याकेटमा भारतीय उत्पादन विकानेरको हुबहु नक्कल गरेर प्याकेजिङ गराएका छन् । भारतिय ब्रण्डको उत्पादनको नक्कल गर्न माहिर दुगडले यसअघि पनि कुरकुरेलाई कुरमुरे भनेर नेपालमा बिक्री बितरण गरेका थिए ।

बजारमा किन्दा विकानेर र सेन्चुरी भनेर छुट्टाउन सकिदैन तर खादा स्वादमा फरक भएपछि मात्र प्याकेटमा ध्यान जनेगरेको उपभोक्ताहरुले बताउने गरेका छन् । उपभोक्ता झुक्कीने गरि उस्तै प्याकेट र नाम राखेर नक्कली उत्पादन बजारमा ल्याउनु उपभोक्तामाथिको ठाडो ठगी भएको उपभोक्तवादी संघसंस्थाको भनाई छ ।

मसलाबाट व्यवसायिक सफलता आर्जेका दुगडले भुजिया, अचार, शस र जामजेलीको समेत उत्पादन थालेका छन । सेन्चुरी स्पाइस एण्ड स्न्याक्स कम्पनीको नामबाट बजारमा आएका भुजियाको प्याकेटको डिजाइन भने हुबहु बिकानेरको जस्तो छ ।

ट्रेडमार्क कानुनले कुनैपनि उत्पादनको नक्कल गर्न पाइदैन । उद्योग राज्यमन्त्रि बनिसकेका दुगडले उद्योग विभागमा सहज पौच हुन सक्छ । अन्तर्राष्ट्रिय ब्राण्ड बनेको विकानेर भुजियाको नेपालमा ब्राण्ड दर्ता हुँदाहुँदै कसरी हुबहु दुगडको उत्पादन बजारमा आउछ ? भनेर विराटनगरका व्यवसायीहरुले प्रश्न गरेका छन् ।

पेटेन्ट, डिजाइन र ट्रेडमार्क ऐन, २०४४ मा परिच्छेद २ को ६ मा पहिले नै अरु कसैको नाममा दर्ता भएको, दरखास्तवालाले दर्ता गराउन चाहेको पेटेण्ट आफैंले आविष्कार नगरेको र आविष्कार गर्ने व्यक्तिबाट हक पनि प्राप्त नगरेको रहेछ भने खारेज गर्न सकिने प्रावधान रहेको छ ।

त्यसैगरि परिच्छेद ३ को १२ (२) मा यस ऐन बमोजिम कुनै व्यक्तिको नाममा दर्ता भएको डिजाइन अरु कसैले नक्कल गर्न वा नामसारी नगराई वा अनुमति नलिई आफ्नो वा अरुको नामबाट प्रयोग गर्न गराउन नपाउने प्रावधान रहेको छ ।

तपाईको प्रतिक्रिया