विराटनगर, चैत्र ५
चालु आर्थिक वर्षको आठ महिनामा प्रदेश १ प्रहरीले २७ करोड राजश्व संकलन गरेको छ ।
प्रदेश १ प्रहरी कार्यालय अन्तरगत १४ जिल्लामा रहेका कार्यालयले चलाएको मुद्दा बापत उक्त रकम संकलन भएको हो । चालु आर्थिक बर्षको ८ महिनामा ४ हजार ६ सय ८९ वटा विभिन्न शिर्षकमा मुद्धा चलाएको थियो । मुद्धा दर्ता बाट कुल २७ करोड १५ लाख ३७ हजार ४७० राजश्व संकलन गरेका प्रदेश १ प्रहरी कार्यालय, विराटनगरले जनाएको छ ।
फैसला कार्यान्वयनबाट २ करोड ३ लाख ४२ हजार ७ सय ४४ रुपैयाँ , लागुऔषध नियन्त्रण बाट १३ करोड १८ लाख ६ हजार ८ सय ६ रुपैयाँ राजश्व संकलन भएको हो ।
यसैगरी नदिजन्य पदार्थको अबैध रुपमा दोहन गर्ने र ओसार पसार गर्ने बाट ४५ लाख ६६ हजार ७ सय २० रुपैयाँ , अबैध काठ चोरी निकासी गर्ने बाट ३० लाख ९५ हजार २०० रुपैयाँ र ट्राफिक ब्यबस्थापन तर्फ बाट ११ करोड १७ लाख २६ हजार रुपैयाँ राजश्व संकलन भएको हो ।
