विराटनगर ६ चैत्र ।
व्यापार तथा निकास सम्बन्धि सम्पूर्ण जानकारी समेटिएको ‘नेपाल ट्रेड पोर्टल’ को विषेशता मोरङका उद्योगी:व्यापारी तथा भन्सार एजेन्टहरुलाई बुझाइएकोे छ ।
व्यापार तथा निकासी प्रवद्धन केन्द्रले शुक्रबार विराटनगरमा अभिमुखिकरण कार्यक्रम गरेर उनीहरुलाई बुझाएको हो । आयात निर्यात गर्ने र गर्न चाहने व्यवसायीहरुलाई आवश्यक पर्ने सम्पूर्ण जानकारी पोर्टलमा राखिएको छ ।
अभिमुखिकरण कार्यक्रममा व्यापार तथा निकासी प्रवद्धन केन्द्रका नायब कार्यकारी निर्देशक सुयस खनालले निर्यात प्रवद्धनको लागी नेपाल सरकारले विभिन्न काम गरिरहेको बताए ।‘सरकारले नेपाल नेश्नल सिङ्गल विन्डो ल्यादै छ,’ उनले भने ‘ यसको संचालन पछि व्यवसायीले आफ्नै कार्यालय वा घरमा बसेर कुनै सरकारी कार्यालमा नपुगी सामान निकासी गर्न सक्ने छ । भन्सर विभागले तयार गरिरहेको यो कार्यक्रममा हाम्रो पनि हिस्सा रहेको छ ।’ उनले निर्यात हुने बस्तु कुन ठाउमा उत्पादन भइरहेको भन्ने जानकारी दिने गरि डिजीटल नक्सा निर्माणको काम समेत भइरहेको जानकारी दिए । सबैभन्दा बढी स्वदेशि बस्तु निर्यात गर्ने नाका विराटनगर भन्सार भएकोले यहि कार्यक्रम गर्न पाउदा खुसिलागेको बताए ।
उद्योग,वाणीज्य तथा आपूर्ति मन्त्रालयको व्यापार तथा निकासी प्रवद्धन केन्द्रका निर्देशक सुरेन्द्रनाथ गंगोलले पोर्टलको महत्व र विषेशता सम्बन्धमा प्रष्टाएका थिए ।‘व्यवसायीलाई केन्द्रमा राखेर बनाएको पोर्टल विश्व बैको अनुदान सहयोगमा निर्माणम गरिएको हो,’ उनले भने ‘ आयात निर्यात गर्न आवश्यक पर्ने सबै प्रकारका सुचना प्रोटलमा रहेको छ ।’
अभिमुखिकरण कार्यक्रममा मोरङ व्यापार संघका अध्यक्ष प्रकाश मुन्दडा,उद्योग संगठनका अध्यक्ष सुयस प्याकुरेल र निवर्तमान अध्यक्ष भिम घिमिरे र भन्सार एजेन्टका प्रतिनिधिको सहभागिता रहेको थियो ।
