विराटनगर, माघ ११
छोराको बिहेको सपिङको लागी सरकारी गाडी दुरुपयोग गरेकी मोरङको कटहरी गाउँपालिकाकी उपप्रखुख मन्जिताकुमारी सरदारको यतिवेला व्यापक आलोचना भईरहेको छ ।
सरदार सोमबार गाँउपालिकाको गाडी लिएर सपिङका लागी जोगवनी (भारत) पुगेकी थिईन् । सिमाक्षेत्रका सक्रिय अभियानताहरुले उक्त सरकारी गाडीमा आधा दर्जनभन्दा बढी सपिङ ब्यागहरु लोड गरिएको तस्बीर सार्बजनिक गरेपछि सरकारी गाडी दुरुपयोगको विषयले चर्चा पाएको थियो ।
उपप्रमुख सरदारले आफ्नो ठूलो छोराको विवाह भएको कारण सामान किन्न जोगवनी गएको स्वीकार समेत गरिसकेकी छिन् ।
उपप्रमुखकी दिदीको छोरा सुरज सरदारको आउँदो माघ १८ गते हुने तय भएको छ । सोही बिवाहको प्रयोजनको लागी दुई महिनादेखि उपप्रमुख सरदारले सरकारी गाडीको दुरुपयोग गर्दै आएको स्रोतले बताएको छ । उपप्रमुखले प्रयोग गर्दै आएको गाडी गाँउपालिकाको कामकाजको लागी भन्दा सपिङ तथा नातेदारलाई घुमाउन फिराउन प्रयोग हुने गरेको समेत जानकारी प्राप्त भएको छ ।
याे पनि पढ्नुहाेस् : सरकारी गाडिमा कलर–कोड लागु गर्ने कि नगर्ने ?
