✍ निरज बस्नेत
विराटनगर, चैत ६
चैत्र महिना मेलामय रुपमा परिणत हुने निश्चित छ । शनिबारबाट विराट राजवंशी महोत्सव सुचारु भएको छ । यो महोत्सव १५ चैत्रसम्म गरेर ११ दिनसम्म चल्ने छ । त्यस लगतै १८ चैत्रदेखि २६ चैत्रसम्म ट्रेड एक्सपोले विराटनगर गुल्जारमय बन्ने छ । लामो समयसम्म विश्व व्यापी महामारीको रुपमा फैलिएको कोभिडका कारण थिलथिलो बजार धेरै हदसम्म दुई ठुलठुला महोत्सवले सबैलाई आहत बाट राहत तर्फ लैजाने छ ।
विराटनगरका नगर प्रमुख भिम पराजुलीले राजवंशी पहिरन लगाएर मेलाको समुद्घाटन गरे । विराटनगर ५ जागृति टोलमा आयोजना मेला स्थलमा ५० भन्दा बढी किसिमका स्टल रहेका छन् । मेलामा प्रख्यात गायक एवं गायीका मेलिना राई प्रमोद खरेल शिव परियार प्रकाश सपुत ज्योति मगरको बेजोड प्रस्तुती रहने छ । कार्यक्रमको उद्घाटन सत्रमा मन्त्वय व्यक्त गर्दै मेयर पराजुलीले विराटनगर नगरक्षेत्र संस्कृति परम्पराको धरोहर रहेको बताए । नगरक्षेत्रको विभिन्न जातजाति र समूदायको उत्थान तथा हकहितका लागी आफू सधै तयार रहेको समेत बताए ।
विराट व्यापार संघको आयोेजनामा हुन लागेको भव्य महोत्सवको तयारी जोडतोडका साथ चलिरहेको छ । संघका अध्यक्ष नविन रिजालको विषेश पहलमा एसिडोम मेलामा २ सय २१ स्टल रहने छन् । मेलामा आकर्षणका रुपमा दुबईको बुर्ज खलिफा, लण्डन ब्रिजलाई प्रतिकात्मक रुपमा खडा गरिने छ । राष्ट्रियस्तरका कलाकारको साथमा ४ बजेबाट ९ बजेसम्म दैनिक सास्कृतिक कार्यक्रम हुनेछ । फेसन शोले कार्यक्रमलाई थप रमाईलो बनाउने छ । ५० करोड बढीको कारोबार हुने आयोजकले लक्ष्य लिएको छ ।
