विराटनगर, चैत २२
बुधवारबाट पम्पहरुमा पेट्रोल सहजताको साथ पाईने नेपाल आयल निगम प्रदेशिक कार्यालय, विराटनगरले जनाएको छ । निगमले आफ्ना माताहातका सबै पम्पहरुमा मंगलबार रातिनै पुग्ने गरी पेट्रोल बोकेका ट्याकंरहरु पठाउँदैछ ।

विराटनगर, धरान र ईटहरीलाई भने प्राथमिकताका साथ ठुलाे मात्रामा निगमले तेल पठाउने भएको छ । यस पटक निगमले २५ वटा ट्याकरमा ५ लाख लिटरभन्दा बढी पेट्रोल ढिपोहरुलाई पठाउँदैछ । यसभन्दा अघि निगमले ३६ हजार लिटर मात्र तेल पठाएको थियो ।

ADVERTISEMENT

निगमले ठुलो मात्रामा पम्पहरुलाई पेट्रोल पठाएकाले बुधबारबाट सार्वसाधरणले लाईन बसेर तेल भर्नेुपर्ने अवस्था नरहने निगमका प्रवक्ता दिवस विस्टको भनाई छ । प्रवक्ता विष्ट भन्नुहुन्छ “आज ५ लाख लिटर तेल बोकेर ट्याकरहरु पम्पतर्फ जाँदैछन् , अब पम्पमा पेट्रोलको अभाव हुँदैन ।”

उहाँ थप्नुहुन्छ “भोलीबाट पम्पहरुमा छ्यापछ्याप्ती तेल हुन्छ, अझै ठुलो मात्रामा तेल ढुवानी गर्न निगम तयारी अवस्थामा छ । अब पम्पमा तेलको अभाव हुने कुनै संभावना छैन् । नआत्तिन सबै उपभोक्तालाई अनुरोध गर्दछु ।”