विराटनगर, साउन २८
निरज बस्नेत
धराने युवाको समुहद्धारा निर्मित टेलिचलचित्र कर्तव्यको अन्तिम च्यारेटी शो सम्पन्न भएको छ । शुक्रवार सैनिक भवनको सभाहलमा धरान उपमहानगरपालिकाका उपमेयर आईन्द्र वेघाको प्रमुख आतिथ्यमा उक्त च्यारेटी शो सम्पन्न भएको हो ।
विनाेद रसाईली स्वयं यस टेलिचलचित्रका सह निर्माता एवं प्रमुख कलाकार समेत हुन् । निर्देशकको पाटो धरान ५ का युवा व्यवसायी समाजसेवी प्रकाश लिम्वूको हो । धरानभित्र नै छायांकन गरिएको यस कर्तव्यको लागत १० लाख हो । सामाजिक विषयवस्तुलाई जोडदार रुपमा उठान गरि प्रस्तुत गरिएको कर्तव्यले हर तह तप्काका दर्शकको मन छोएको छ । उक्त च्यारेटी शो मा समाजका प्रायः सवै वर्गका मानिसहरुको राम्रै उपस्थिती रहेको थियो ।
देशका प्रमुख शहरहरुमा च्यारेटी शो सम्पन्न भईसकेको यस टेलिचलचित्र कर्तव्यको यो अन्तिम च्यारेटी शो रहेको सहनिर्माता रसाईली बताउँछन् ।आजै यस चलचित्रको युट्युव लन्च कार्यक्रम समेत हुनेछ । चलचित्रमा राधा नामकी प्रमुख महिला पात्रको यथार्थपरक भूमिका छ । राधाको मन सफा, कोमल हृदयको छ । राधाले यसमा समाजमा रहेको विकृती विसंगति कूरितीलाई उजागर गरेकी छिन् ।
जताततै फोहरमैला नफालौं, यसले जलवायु परिर्वतन भई मानव स्वास्थ्यमा नकारात्मक असर पर्छ ।जसवाट कयौं मानिसको अकालमै मृत्यु भईरहेको विधमान घटनाक्रमलाई चलचित्रले राम्ररी उठान गरेको छ । कर्तव्यमा राधाकी सहपाठी सर्मिलाको यादगार भूमिका छ । निर्देशक लिम्वूले चलाखीपूर्ण ढगले निर्देशकीय कलाकाे सदूपयोग गरी चलचित्रलाई सवै वर्गले रुचाउने बनाई न्याय गरेका छन् ।
सहनिर्माता रसाईलीको हास्य पात्रकाे भूमिका छ । रसाईलीले चलचित्रलाई प्राण थपेका छन् । ट्वीस्ट दिनमा खप्पिस कलाकारमा रसाईली पर्छन् । अन्य कलाकारले आ आफ्नो ठाउँमा राम्रै भूमिका निभाउन सफल भएका छन् । चलचित्रका प्रमुख पुरुष पात्रका वुवाको रोलमा धरान १५ का नरेश विश्वकर्माको आँखाबाट आशु आउँने सेनि्टमेन्ट रोल दमदार छ । आईडियल बोर्डिङ् स्कूलबाट ५० जना छात्र छात्रा , प्रिन्सिपलको नेतृत्वमा चलचित्र हेर्न आएका थिँए । सवै विधार्थी वर्गको प्रतिनिधित्व गर्दे उक्त बोर्डिङका प्रिन्सिपलले मुवीको मुक्तकण्ठले प्रसंसा गरे ।धरान १७ की जनप्रतिनिधि लक्ष्मी रपाल अग्रभागमा बसी मज्जाले चलचित्र हेरेको देखियो । समग्रमा कर्तव्य राम्रो बनेको प्रतिक्रिया रपालले दिईन् । कार्यक्रमका प्रमुख अतिथि धरान उपमहानगरपालिकाका उपमेयर बेघाले चलचित्रको राम्रो समीक्षात्मक टीप्पणी सहितको मन्तव्य चलचित्र हेरेपछि दिएँ । यस कर्तव्य युनिटले फेरी नेक्स्ट प्रोजेक्टको तयारी चाडै नै गर्ने बताएका छन् । चलचित्रलाई प्रत्यक्ष अप्रत्यक्ष रुपमा सहयोग पुर्याउँने प्रायःलाई कार्यक्रमको अन्तमा मायाको चिनो खादा ओढाई दिई सम्मान गरिएको थियो ।
