विराटनगर, कार्तिक २४
निरज बस्नेत
मोरङ–५ बाट राष्ट्रिय स्वतन्त्र पार्टीका उम्मेदवार प्रमोद कुमार मण्डलको चुनावी माहौल यतिवेला ह््वात्तै तातेको छ । विराटनगर जहदा रोडका स्थानीय मण्डल एक होनहार युवा उम्मेदवार हुन् ।
भ्रष्टाचार विरोधी पार्टीको रुपमा चिनिएको यो रा.स्व.पा.ले केही गर्छ है भन्दैछन्, यस क्षेत्रका मतदाताहरु, वास्तवमै केन्द्रीय सभापति रवि लामिछानेको बढ्दो क्रेजले आज यस पार्टीका प्रायः जसो उम्मेदवारलाई आम मतदाताले उत्साहपूर्वक हेरिरहेका छन् । अझ भन्दा मोरङ–५ का उम्मेदवार मण्डलले सवै वर्गका उमेर समूहका मतदाताको मन जितिरहेका छन् ।
बौद्दिक युवा अभियन्ताको जोडदार छवि स्थापित गरेका मण्डलको मुख्य जोड, आर्थिक क्रान्ति नै रहेको छ । कृषिमा लगानी र प्राविधिक शिक्षाको व्यवस्था, एक हात–एक शिपको राष्ट्रिय नीति लागू गर्ने मण्डलको प्रतिवद्दता छ । विशेष त छोरीलाई अझ पनि हाम्रो समाजमा कतिपयले हेला गर्ने परिपाटीलाई यिनले छोरी जन्मिएँ घरमा उत्सवसँगै बैंक खाता खोलिने महत्वपूर्ण योजना बताएँका छन् ।
धर्म, संस्कृति र सम्पदाको जगेर्नातर्फ जोड दिएका छन् । दशगजाको सुरक्षामा प्रमुख प्राथमिकता यिनले दिएका छन् । ठूला व्यापारी त ठूला भईगए, साना व्यापारीसँग एककदम अगाडी बढी हातेमालो योजना पनि गर्ने जनाएका छन् । पुराना राजनैतिक पार्टीहरु– नो नट अगेन, आफ्नो एक मतको शक्तिलाई बुझौ र सहि ठाउँमा प्रयोग गरौं । धेरै पटक भुल गर्यो, कृपया अब भुल नगरौ, यही यस्ता सान्दर्भिक भनाईका साथमा मोरङ–५ बाट राष्ट्रिय स्वतन्त्र पार्टीका उम्मेदवार मंसीर–४ को चुनावी मैदानमा होमिएका छन् ।
