विराटनगर, कार्तिक २४
निरज बस्नेत
देशकै चर्चित क्षेत्रमध्यको एक सुनसरी–३ यतिवेला सवैको चासोको क्षेत्र बनेको छ । भ्रष्टाचारको मुद्दा खेपिरहेका कांग्रेस नेता विजय गच्छदारलाई यो पाली जसरी पनि हराउनु पर्छ भन्ने एउटा ठूलो खेमा अहिले यो क्षेत्रमा अहोरात्र खटिरहेको पाईन्छ ।
यसै निर्वाचन क्षेत्रबाट पटक पटक चुनाव जिती विजयले अहिलेसम्म यस भेगका जनताको लागि देखिनेगरी खासै केही नगरेकै कारण आज सवैको पहिलो रोजाईमा एमाले नेतृ भगवती चौधरी परेकी छिन् । भगवतीलाई यो पाली जुनसुकै मूल्यमा समेत जिताएरै पठाउनु पर्छ । यो मत एउटा ठूलै तप्काबाट आईरहेको पाईन्छ ।
विजयसँग दुई पटक हारेतापनि भगवतीको बढ्दो क्रेजले आज यस भेगका मतदातामा उत्साह थपिएँसँगै अव, यिनले नै चुनाव जित्ने अड्कल काटिदैछ । यही भएर पनि यसपालि सुनसरी–३ मा उलटफेर हुने प्रवल संभावना देखिदैछ । दुवैजना राजनीतिक खेलाडीको यो तेस्रो पटकको आमनेसामने हो । तर, यसपाली पल्ला भगवतीको भारी छ ।
विजयलाई ललिता निवास प्रकरणले गाँजेको छ । यता भगवती दिनप्रतिदिन हरकोहिको प्रिय बन्दैछिन् । फेरी विजयको राजनीतिक यात्रा कांग्रेसमा मात्र सिमित नभएर, मधेसी जनअधिकार फोरमतर्फ पनि पुगेको थियो । साथमा फेरी कांग्रेसलाई नै समात्न आएको प्रति धेरैले गृगिटको संज्ञा दिन समेत पछि परेका छैनन् ।
रोजगारमुखी कार्यक्रम अन्र्तगत भगवतीले यस क्षेत्रका धेरैलाई रोजगार प्रदान गरेकी छिन् । गएको ७४ को प्रतिनिधि सभाको चुनावमा, विजयले ३८ हजार ९ सय ६२ मत ल्याई विजयी हुँदा भगवतीको ३८ हजार ६ सय ५१ आएको थियो ।
