विराटनगर, कार्तिक २९
निरज बस्नेत
गंगा चोक बुढीगंगा गाउँपालिकामा रहेको विराट मेडिकल टिचिङ अस्पतालमा ५ करोड आर्थिक हिनामिना भएको अस्पताल स्रोत बताउँछ । यता प्रहरीको अनुशन्धानबाट ५८ लाख मात्र घोटाला भएको देखिन्छ ।
अस्पतालका कर्मचारीले नक्कली विरामी खडा गरी आर्थिक अपचलन गरेको पाईएको छ । यसमा कर्मचारी दुर्गा बहादुर विष्टको प्रमुख संलग्नता देखिन्छ । विष्ट विराटमा रिसेप्सन विलिङ एण्ड डिस्चार्ज विभागमा कार्यरत थिएँ । त्यस्तै मुख्य योजनाकारमा, अश्विन भट्टराई, समेतको संलग्नता रहेको पाईयो । जसअनुसार मोटामोटी ५८ लाख आसपास घोटाला भएको प्रहरी बताउँछ । तर, अस्पतालको दावी ५ करोडको छ ।
मोरङ प्रहरीले घटनामा संलग्न अन्य ८ जनालाई पक्राउ गरेको थियो । यसमा सवैभन्दा बढी घोटाला, विष्ट र भट्टराईले गरेको प्रहरी बताउँछ । सम्मानित मोरङ जिल्ला अदालतमा दायर अभियोगमा उल्लेख भएँअनुसार, विष्टले २३ लाख ६६ हजार ६ सय १७ रुपैंया, रकम हिनामिना गरेको दावी छ । भट्टराईले २३ लाख ९० हजार ७ सय ३१ रुपैंया अपचलन गरेको उल्लेख छ ।
यस्तै अस्पतालका अन्य कर्मचारीहरुमा, स्वस्तिका श्रेष्ठले ५ लाख २६ हजार ७ सय ९१, सुनिल पासवानले १९ हजार ६ सय २७, प्रभुनारायण चौंधरीले ३३ हजार ३ सय, सुसिल पासवानले २ लाख ९८ हजार ५ सय ३, किरण विश्वकर्माले ६७ हजार ३ सय ३२, वसन्त कुमार रामले १० हजार र नरनारायण चौंधरीले ५६ हजार ५ सय ७३ रुपैंया घोटाला गरेको अदालतमा दायर भएको ठगी मुद्दाको अभियोग पत्रमा उल्लेख छ ।
