दिनेश खड्का
विराटनगर, कर्तिक २९
संसारको प्रख्यात कम्प्युटर ब्राण्ड एसस्काे आधिकारीक शोरुम विराटनगरमा पनि खुलेको छ । चन्द्र ईन्फोसफ्टले विराटनगरको सेन्ट्रल मल ठिक अगाडि उक्त शोरुम संचालनमा ल्याएको छ ।
चन्द्र ईन्फोसफ्टका संचालक विराटनगर जानमान एआईटी–व्यापारी चन्द्रशेखर डे हुन् । उनले एस्अससंगै कम्प्युटर डिभाईसेजसंग संबन्धित थप ७ वटा ब्राण्डका आउटलेटहरु सोही स्थानमा खोलेका छन् । ब्राण्डहरु ः ट्रन्सेन्ड र किंगस्टोन (स्टोरेज डिभाईज), र्यापो (वायरलेस डिभाईसेस), अप्टोमा ( प्रोजेक्टर), कम्प्युटर केस, कुलर तथा पावर सप्लाई (कुलर मस्टर), नेटर्वोक एसिस स्टोरेज (एस्असटोर) र ग्यामिङ डिभाईसेज (हाईपर–एक्स) हुन् ।
यी सबै ब्राण्डहरुको नेपालका लागी आधिकरिक बिक्रेता नागमणि ईन्टरनेश्नल हो । आईतबार नागमणिका संस्थापक आमित सारफ स्वयमले विराटगरको उक्त आउटलेटहरु उद्घाटन गरेका थिए । सराफ नेपालको ठुला आईटी व्यापारीमा गनिने व्यक्ति हुन् । उद्घाटनको समारोहमा अवलोकनकर्तासँग बोल्दै सराफले डिभासेजहरुको गुणस्तर र खरिदपछिको सेवाको जिम्मेवारी पुर्ण रुपमा कम्पनीको भएको जानकारी गराए ।
उद्घाटनको अवसरमा ल्यापटप तथा अन्य डिभाईसेजहरुमा विषेश छुटको समेत व्यवस्था गरिएको छ । चन्द्रईन्फोसफ्ट अब विराटनगरकै सबैभन्दा ठुलो कम्प्युटर डिभासेज आउटलेट समेत भएको छ ।
