विराटनगर, पुष ३
दिनेश खड्का
विराटनगरको तिनपैनीमा पुनःसंचालनमा आएको नेपाली नाङ्लो फास्टफुडले गति लिएको छ । असार ३० गते आगलागी भएर ध्वस्त भएको उक्त रेष्टुरन्ट पाँच महिना पछि मंसिर २६ गते पुनः संचालनमा आएको हो ।
संचालनमा आएसँगै पुराना ग्राहकहरुको रेष्टुरेन्टमा आगमन बढेको छ । पुर्न संचालनको पहिलो शनिबार सो रेष्टुरेष्टमा थेगी नसक्नु भिड देखियो । साप्तहन्तमा दिनैभरि रेष्टुरेन्टको दुवै तत्ला ग्राहकले भरिभराउ थिए । रेष्टुरेष्टका कुक, वेटर र अन्य कर्मचारीलाई शनिबार ग्राहक समहाल्न हम्मेहम्मे भयो ।
नाङ्लो सतप्रतिशत भेज रेष्टुरेष्ट हो । यहाँको मःम विराटनगरमा निकैनै प्रसिद्ध छ । मःम बाहेक नुडल, पस्ता, पिज्जाजस्ता कन्टिनेन्टल फुडहरु पनि निकै लोकप्रिय छ । अहिले विराटनगरवासीको चाहना अनुरुप यस रेष्टुरेन्टले भेज विर्यानी समेत बनाउन थालेको छ । पिय पदार्थहरुमा यँहाको मिल्कसेक्क र चोक्लेटसेक पनि निकैनै फेमस छ ।
यस रेष्टुरेष्टका संचालक ईश्वर–किशोर बाँस्कोटा दाजुभाई हुन् । नवनिर्मित रेष्टुरेष्ट कन्क्रिट र आईरनले बनेको छ जुन पुर्णरुपमा आगो र भुकम्प प्रतिरोधात्मक छ । यसअघि आगलागी भएको रेष्टुरेन्ट पुर्णरुपले बास र काठले बनेको थियो ।
