विराटनगर, पुष ५
विराटनगर–१४ स्थित डिग्री क्याम्पसकोे मैदानमा जारी विराट एक्स्पोको अवधी तीन दिन थपिएको छ ।
६ गते समापन गर्ने समयतालिकालाई हेरफेर गरी ९ गतेसम्म एक्स्पो संचालन गर्ने निर्णयमा आयोजक पुगेको छ । त्यसको भोलीपल्ट १० गते एक्स्पोको विधिवत समापन गरिने आयोजकको योजना छ ।
मेलामा दिनदिनै अवलोकनकर्ताको भिड बढ्दै गएको र अवलोकनकर्ताको चाहनाअनुसार समायावधि बढउने निर्णयमा पुगेको एक्स्पोको प्रचारप्रसार संयोजक नन्द किशोर राठीले जानचर्चालाई जानकारी दिए । राठीका अनुसार हालसम्म ७० हजारभन्दा बढीले एक्स्पो अवलोकन गरिसकेका छन् । त्यस्तै एक्स्पोमा कुल ६ करोडभन्दा बढी करोबार भएको अनुमान गरिएको छ ।
