निरज बस्नेत, खेम पौडेल
विर्तामोड, माघ ८
नेपालको पुर्वी दक्षिणी भेगमा रहेको व्यापारीक नगरहरु मोरङको विराटनगर, उर्लाबारी र झापाको विर्तामोडमा लगालग ठुल्ठूला औद्योगिक तथा व्यापारीक मेला आयोजना हुदैछ ।

विराटनगरमा नेपाल उद्योग परिसंघ (सिएनआई)ले माघ १९ गते देखि २८ गतेसम्म सिएनआई कोशी एक्स्पोको आयोजान गर्दै छ । त्यसैरी उर्लावारी नगरपालिकामा माघ २१ देखी औद्योगिक व्यापार, कृषि तथा पर्यटन महोत्सव – २०७९ को अयोजना हुदैछ । आयोजक उर्लाबारी उद्योग वाणिज्य संघका अनुसार यो महोत्सव ९ दिनसम्म संचालन हुने बताईएको छ ।
त्यसैगरी झापाको विर्तामोडमा पनि बिर्तामोड उद्योग वाणिज्य संघले फागुनको पहिलो साता बिर्तामोड अन्तर्राष्ट्रिय औद्योगिक व्यापार महोत्सव २०७९ आयोजना गर्ने तयारी गरेको छ । यो महोत्सव फागुन ५ गतेदेखि १५ गतेसम्म चल्ने बताईएको छ ।

विराटनगर र विर्तामोडमा हुन लागिएको महोत्सवलाई अन्तर्राष्ट्रियस्तरको भनिएको छ र उर्लावारी हुने महोत्सवलाई आयोजकले प्रादेशिकस्तरको महोत्सव भनेको छ । विराटनगरमा हुने सिएनआई एक्स्पोमा ३५०, उर्लाबारीमा हुने महोत्सव मा १७० , र विर्तामोडमा हुने महोत्सवमा २५० व्यापारीक स्टलहरु रहने बताईएको छ ।

तिनै महोत्सवमा बंगलादेश, पाकिस्तान र भारतका व्यापारीक स्टल हरुको समेत सहभागिता रहनेछ । त्यसैगरी यी महेत्सवहरुमा राष्ट्रिय तथा स्थानीय कलाकारहरुको प्रस्तुति, फेसनसो तथा विविध सांस्कृतिक कार्यक्रम रहने बताईएकाे छ ।

तपाईको प्रतिक्रिया