निरज बस्नेत, खेम पौडेल
विर्तामोड, झापा, माघ ८
विर्तामोडमा, विर्तामोड उद्योग वाणिज्य संघले यही ५ फागुन देखी १५ फागुनसम्म अन्तराष्ट्रिय महोत्सव गर्ने कुराको जानकारी विर्तामोड वाणिज्य संघका अध्यक्ष प्रकाश सिवाकोटीले जानकारी गराएका छन् ।

महोत्सवका संयोजक तथा वरिष्ठ उपाध्यक्ष राजु न्यौपानेका अनुसार महोत्सव रामचोक र चारपाने चोकको बीचमा रहेको खाली जग्गामा लाग्नेछ ।

ADVERTISEMENT

नेपालमा उत्पादित कृषिवस्तु र हस्तकलाका सामाग्रीलगायतको प्रदर्शन र प्रवद्र्दन गर्ने, आन्तरिक पर्यटन प्रवद्र्दन सांस्कृतिक तथा ऐतिहासिक महत्वका स्थलहरुको प्रचारप्रसार प्रवद्र्दन गर्ने जस्ता उद्देश्य राखेर महोत्सव गर्न लागिएको अध्यक्ष सिवाकोटी बताउँछन् ।

व्यापार महोत्सवको प्रमुख विशेषतामा नेपाललगायत छिमेकी राष्ट्रहरुको लगानीकर्ता , उत्पादक, वितरक, निर्यातकर्ताहरुलाई एउटै मन्चमा भेटघाट, भेला गराई सामाग्रीहरुको प्रत्यक्ष अवलोकन तथा जानकारी उपलव्ध गराउनु रहेको संघका महासचिव अर्जुनकुमार मैनालीले बताएँ ।

महोत्सवमा २५० स्टल रहनेछन् । ४५ करोडको कारोवार हुने आयोजक समितिको लक्ष्य छ । महोत्सव ५ विगाह क्षेत्रफलमा हुनेछ ।