विराटनगर, माघ १५
विराटनगरमा माघ १९ देखि शुरु हुने सिएनआई एक्स्पोमा घरेलु तथा साना उद्योगका ७२ स्टहहरु रहने भएका छन् ।
नेपाल घरेलु तथा साना उद्योग महासंघ मोरङको समन्वयमा लघु, घरेलु, साना र कृषि उद्यमीहरुलाई एक्स्पोमा विषेश ढंगले प्रवद्धन गरिएको अयोजक नेपाल उद्योग परिसंघ प्रदेश १ले जनाएको छ।
विराटनगरमा माघ १९ देखि हुने सीएनआई एक्स्पोमा घरेलु तथा साना उद्यमीका उत्पादनलाई प्रवद्र्धन गर्न अल्लोको कपडादेखि विभिन्न स्वादका अचारका स्टल रहने भएका छन् ।
ताप्लेजुङको राडी, तेह्रथुमको ढाका, भोजपुरको खुकुरी, ईलामको चकलेट विभिन्न जिल्लामा निर्मित हस्तकलाका सामानहरु, घरेलु सामग्रीबाट निर्मित जुत्ताचप्पल, ढाकाका कपडा, अल्लोको कपडा, मह र विभिन्न जातका फलफुल, अचार र प्याकिङ फुडका यी स्टलहरुमा रहने छन् ।
त्यसैगरी हिमाली जिल्लाका जडिबुटी औषधी, छुर्पी, मह, चिज, अकबरे खोर्सानी लगायतका अर्गानिक कृषि उत्पादन पनि एक्स्पोमा राखिने नेपाल घरेलु तथा साना उद्योग महासंघ मोरङले जनाएको छ । लघु उद्योगबाट उत्पादित भएको क्लिनिङ साबुन, फिनेल, अगरबत्ती, मसला लगायतका सामग्री एक्स्पोमा राख्नीने बताईएको छ ।
सीएनआई कोसी एक्स्पो २०७९ मा कुल चार सयबढि स्टलहरु रहनेछ । एक्स्पो माघ २८ गतेसम्म चल्ने छ । विराटनगर-२ शंकरपुरमा एक्स्पोको तयारी तिब्र पारिएको छ ।
