विराटनगर, माघ १७
विराटनगरको विराट नर्सिङहोम पछाडिरहेको शंकरपुर खेलमैदानमा, यँही माघ १९ गते देखि १० दिनका लागी हुन गईरहेको सिएनआई काेशी एक्स्पाेकाे टिकट दर सार्वनजिक भएको छ । आयाेजकले सर्त सहित ‘तिन’ थरि दरका टिकटहरु सार्वजनिक गरेकाे छ ।
सर्तसहितका टिकट दरहरु:
शुन्य (निशुल्क)
शैक्षिक भ्रमणको लागी ग्रुपमा आउने विद्यार्थीहरुले निशुल्क एक्स्पो अवोलोकन गर्न पाउने छन् । तर शैक्षिक भ्रमणको लागी विद्यालयले आयोजकसँग पुर्व स्वीकृति लिनुपर्ने सर्त राखिएको छ । शैक्षिक भ्रमणमा कुनै पनि विद्यालयहरुले विद्यार्थिहरु पठाउदा विहानको ९ देखि १२ बजेसम्म पठाईसक्नु पर्नेछ ।
रु ५० पचाँसका टिकट
रु ५० दरका टिकट पनि विद्यार्थिहरुकै लागी हो । यो टिकटमा कुनै पनि विद्यार्थिले साढे तिन बजेसम्म एक्स्पो अवलोकन गर्न पाउनेछन् । यसको लागी आयोजकसँग पुर्वस्वीकृती लिन समेत आवश्यक पर्नेछैन । सो टिकट खरिद गर्नका लागी विद्यार्थी परिचय पत्र देखाउनु पर्ने हुन्छ ।
दिउसोको साढे तिन बजेपछि सो टिकट खरिद गर्न पाईने छैन् । तर सो टिकट खरिद गरि एक्स्पोस्थल प्रवेश गरिसकेकालाई भने साढे तिन बजेपछि पनि निकालिने छैन ।
रु १०० दरका टिकट
रु १०० दरका टिकट सबैको लागी हो । दिउसोको साढे तिन बजेपछि सो टिकट खरिद गर्न पाईने छैन् । तर सो टिकट खरिद गरि एक्स्पोस्थल प्रवेश गरिसकेकालाई साढे तिन बजेपछि पनि निकालिने छैन ।
रु २०० दरका टिकट
दिउसो साढे ३ बजेपछि एक्स्पो अवलोकन गर्न चाहने जो कोहीले पनि रु २०० को टिकट खरिद गर्नु पर्नेहुन्छ ।
टिकटहरु खल्ती एपमार्फत अनलाईन खरिद गर्न सकिने व्यवस्था समेत मिलाईएको छ ।
यी सबै जानकारीहरु जनचर्चा डटकमलाई सिएनआई एक्स्पोका महानिर्देशक विजयहरि शर्माबाट प्राप्त भएको छ ।
