१५ जेठ २०८१, मंगलबार
28-05-2024 , Tue

सीएनआई एक्स्पोमा सोमबारको साँझ मंगोलियन हर्टको प्रस्तुति

Logo
प्रकाशित सोमबार, माघ २३, २०७९

विराटनगर, माघ २३
विराटनगरमा जारी सिएनआई कोसी एक्स्पोलाई अझ सांगीतिक र मनोरञ्नात्मक बनाउन सोमबार साँझ चर्चित ब्याण्ड मंगोलियन हार्ट र उक्त ब्याण्डका स्पन्दन राजु लामाको प्रस्तुति हुने भएको छ । राजु लामा त्यस्ता पपस्टार हुन्, जसले नेपाली म्यूजिकमा पप संगीगलाई उचाईमा पुर्‍याइदिए ।

उनले गाएका ‘नतानु त तानु लाग्ने, बादल पारीको देशबाट, उँभो उँभो खासा म जाँदा, ओइ नाना, सायद तिम्रो बाटोमा, गाजलु टिका, तिमीलाई देखेर, पर्खाइमा, हल्ला चलेछ’ जस्ता गीत अहिलेपनि उतिकै चर्चित रहेका छन् ।

राजु लामाले पपसँगै नेपाली संगीतमा २५ बर्ष विताइसकेका छन् । सातवटा बढि एल्बमबाट उनले दर्जनौं गीत स्रोता र दर्शकका लागि दिइसकेका छन् ।
लामा त्यस्ता लोकप्रिय म्यूजिक स्टार हुन्, जसले संगीतमा निरन्तरताको इतिहाँस हुँदैन भन्ने सोचलाई नै परिवर्तन गरिदिएका छन् ।

लामाले विराटनगरकै स्टेजमा सम्भवत् पहिलो पटक प्रस्तुति दिन लागेका हुन् । उनका फ्यानहरुले नै पहिलो पटक राजुलाई स्टेजमा प्रत्यक्ष हेर्ने र सुन्ने अवसर मिल्न लागेको बताउने गरेका छन् ।
एक्स्पो आयोजक नेपाल उद्योग परिसंघ प्रदेश १ ले माघ १९ देखि सुरु गरेको एक्स्पो २८ गतेसम्म अर्थात लगातार १० दिनको निरन्तरता दिइरहेको छ ।
पाँचौं दिन सोमबार राजु लामाले आधुनिक नेपाली पप म्यूजिकका लाखौं स्रोतालाई जाँदै गरेको जाडो छिट्टै छुट्ने गरी तताइदिने विश्वास गरिएको छ । एक्स्पोको हरेक साँझहरुमा यसअघिका प्रस्तुतिहरुले पनि रेकर्ड कायम गरिसकेको आयोजकले जनाएको छ ।

एक्स्पोमा टिकट काट्ने समय र टिकटको दरलाई अझ सहज बनाइएको छ । हरेक दिन अपरान्ह साढे ३ बजे पछिको टिकट दर २०० रुपैयाँ रहेकोमा आइतबारदेखि त्यसलाई १०० रुपैयाँ कायम गरिएको हो । अवलोकनकर्ताहरुको आग्रहलाई मध्यनजर गर्दै टिकट दरलाई व्यवस्थित गरिएको आयोजकको दाबी छ ।
९ कक्षा मुनिका विद्यार्थीहरुका लागि भने उक्त समयभित्र टिकट दर ५० रुपैयाँ कायम गरिएको जनाइएको छ । ९ कक्षा माथिका विद्यार्थी र अरु अवलोकनकर्ताहरुका लागि साँझ साढे ६ बजेपछि भने टिकट दर २०० रुपैयाँ नै रहने छ ।

टिकट काटिसकेका अवलोकनकर्ताहरुले जुनसुकै समयमा पनि प्रवेशद्वारबाट सहज रुपमा एक्स्पो स्थलमा प्रवेश पाउने व्यवस्था गरिएको छ । विराटनगर महानगरपालिका–२ शंकरपुर मार्गमा सीएनआई कोसी एक्स्पो २०७९ जारी छ ।

कमेन्ट गर्नुहोस्
सम्बन्धित

कानेपोखरी , १ जेष्ठ । मोरङको कानेपोखरी ४ स्थित वयरवनमा प्रथम मिनि महोत्सव २०८१ हुने भएको छ । जेठ ३ गते देखि २४ गते सम्म सञ्चालन हुने साे मिनि महोत्सव वयरवनस्थित खोरिया जाने बाटोमा मेला लाग्नेछ । मंगलबार आयोजक श्री मातृ भुमी समाजसेवा युवा क्लबले वयरवनमा  पत्रकार सम्मेलनकाे आयाेजन गरी साे महाेत्वबारे जानकारी गराएकाे हाे […]

विराटनगर, वैशाख ६। विराटनगरकाे कञ्चनबारीमा भईरहेकाे व्यापार मेला महोत्सव बिहिबार सुपर हट गायिका ज्याेती मगरले तताउने भएकी छिन् ।  यस अघि कलाकारहरु धुर्मुस सुन्तली, अन्जु कुस्मी, प्रिति पासवान, गायक मेलिना राई, महेश काफ्ले, सुमित खड्का, अन्जु गाैतम, तृष्णा गुरुङ लगाएतले यस मेलामा प्रस्तुती दिईसेकका छन् । ज्याेती मगर आफ्नाे गायनकाे साथ साथै तड्किलाे भड्किलाे प्रस्तुतीकाे […]

विराटनगर, वैशाख ३ । विराटनगरकाे कञ्चनबारीमा भईरहेकाे व्यापार मेला महोत्सवमा साेमबार प्रसिद्ध गायिका तथा माेडल अन्जु कुस्मी आउने भएकी छिन् । उनी प्राय थारु भाषाकाे माध्यमबाट आधुनिक संगित प्रस्तुत गर्दछिन् । धनगढी मुल घर भई काठमाडाैं संगतकर्म गर्दै आएकी कुस्मीकाे युटुबमा मिलियन्स अफ भ्युज र फेसबुकमा लाखाैकाे शंख्यामा फ्यान छन् । यस अघि कलाकार प्रिति […]