निरज बस्नेत
उर्लावारी, माघ २३
उर्लावारीको शान – उर्लावारी महोत्सव २०७९ सोमवार अन्र्तगत कमल खत्रीले तहल्का मच्चाउँदै छन् । टुट्नु थियो टुट्यो मुटु अव जोड्दिन, यो प्रेम वियोगको मिठो गाना उनै खत्रीले गाएको गीत हो ।
यो सुमधुर गाना त उनलै आफ्नै आवाजमा आज पक्कै पनि गाएर उर्लावारी महोत्सवमा आएका मानिसहरु धेरैको मन जितेर नै उर्लावारीबाट जाने कुरा बताउँछन्, महोत्सव संयोजक भरत भट्टराई ।
गएको २१ गते देखी आइतवारे उर्लावारीको चौरमा लागिरहेको प्रादेशिक स्तरको यो महोत्सवमा दिनहुँ भीडभाड बढिरहेको संयोजक भट्टराई बताउँछन् ।
उर्लावारी उद्योग वाणिज्य संघका अध्यक्ष शेर बहादुर भण्डारीका अनुसार महोत्सवमा रहेका १७० बढी स्टलहरुमा गएर, हेरेर, बुझेर अवलोकन गर्नेहरुको राम्रै जमात् दिनानुदिन तीव्रतामा गइरहेको छ ।
यता उर्लावारी उद्योग वाणिज्य संघका महासचिव हेमराज गुरुङका अनुसार महोत्सवमा रहेको खेल सामाग्रीबाट धेरैले प्रचुर मात्रामा लाभ उठाइएको जानकारी गराएका छन् ।
