निरज बस्नेत
उर्लावारी, माघ २६
पूर्वको उर्लावारी प्रादेशिक महोत्सव २०७९ अन्र्तगत विहीवारको साँझ माहौल पूरै सांगितिकमय बन्ने भएको महोत्सव संयोजक भरत भट्टराई बताउँछन् । भट्टराइका अनुसार आजको महोत्सवमा, चर्चित गायिका अस्मिता अधिकारीको प्रस्तुती रहनेछ । अधिकारीको सुमधुर आवाजले आजको महोत्सवको वातावरण रंगिन बन्ने पक्का छ ।
अधिकारीसँगै विहीवार महोत्सवमा प्रताप दास तथा रमेश श्रेष्ठको समेत प्रस्तुती रहनेछ । साथमा इलामको प्रार्थना ब्याण्डको प्रस्तुतीले महोत्सवलाई राम्रै तताउँने निश्चित भएको उर्लावारी उद्योग वाणिज्य संघका अध्यक्ष शेर बहादुर भण्डारी बताउँछन् ।
यो सँगै महोत्सवमा विहीवार रोयल भाइव्सको आकर्षक नृत्यले समेत सवैको मन जित्ने उर्लावारी उद्योग वाणिज्य संघका महासचिव हेमराज गुरुङ बताउँछन् । महोत्सवमा नेपाल लगायत, भारत, पाकिस्तान, बंगलादेशको स्टलहरु समेत गरी कूल १७० स्टलहरु रहेको आयोजकले जनाएको छ । महोत्सवमा अन्तसम्ममा २ लाख बढी आगन्तुक आउँने समेत दावी गरिएको छ ।
उर्लावारीको शान, मान, गौरव, यो हो उर्लावारी महोत्सव २०७९, जसअन्र्तगत विहीवारको माहौंल पूरै सांगितिकमय हुने निश्चित छ ।
