निरज बस्नेत
विराटनगर, फागुन ९
शेर्पा समुदायले मनाउने गरेको ग्याल्पो ल्होसार मंगलवार देशैभर हर्षोल्लासका साथमा मनाइदै छ ।
यसैबीचमा राष्ट्रपति विद्यादेवी भण्डारीले ग्याल्पो ल्होसारजस्ता पर्ववाट सवै नेपालीवीच आपसी सद्भाव, सहिष्णुता, र बन्धुत्वको भावना अभिवृद्दि हुने र यसवाट राष्ट्रिय एकतालाई थप सुदृढ गर्न सघाउ पुग्ने विश्वास लिएको जनाइएको छ ।
शेर्पा समुदायको महान् पर्व ग्याल्पो ल्होसार मुलुकभरका शेर्पा समुदायले रमाइलो गरी मनाइरहेका छन् । फागुन शुक्ल पक्ष प्रतिपदा तिथिमा ग्याल्पो ल्होसार मनाइन्छ ।
पर्वको मौकामा शेर्पा समुदायले आफ्नो घर–आँगन, बाटोघाटो तथा पानीका स्रोतको सरसफाई गर्ने, घरको छतलगायत गुम्वा र चैत्यमा नयाँ ध्वजा राख्ने, गुथुक र खाप्सेजस्ता परिकार खाने र आपसमा शुभकामना आदानप्रदान गर्दे नयाँ वर्षको स्वागत गर्ने परम्परा रहेको छ ।
